Kujataani ingerlatseqatigiiffiup mikisup Hotel Narsaq ApS-ip amigartoorutini siorna sinneqartoorutinngortippai.
Aappariit aallarnisaasut piginnittut Kattie Pauline Nielsen aamma Fridrik Magnusson 2019-imiilli siullermeerlutik ingerlatseqatigiiffimminni sinneqartooruteqarput. Ingerlatseqatigiiffik 2024-mi 1,7 millionit koruuninik amigartooruteqarpoq.
Kujataani ingerlatseqatigiiffiup mikisup Hotel Narsaq ApS-ip amigartoorutini siorna sinneqartoorutinngortippai.
Aappariit aallarnisaasut piginnittut Kattie Pauline Nielsen aamma Fridrik Magnusson 2019-imiilli siullermeerlutik ingerlatseqatigiiffimminni sinneqartooruteqarput. Ingerlatseqatigiiffik 2024-mi 1,7 millionit koruuninik amigartooruteqarpoq.
2025-mili allaanerulluinnarpoq. 1,9 millionit koruuninik sinneqartooruteqarput, isertitat katillugit 4 millionit koruuniullutik. Tamanna isumaqarpoq ingerlatseqatigiiffiup sinneqartoorutai 2024-mit 2025-mut marloriaammik amerleriarsimasut. Tamanna 2025-mi naatsorsuutinit takuneqarsinnaavoq.
Hotel Narsaq ApS Islandimi suliffeqarfimmit NEVA-mit Reykjavikimeersumit Kattie Nielsenimit aamma Fridrik Magnussonimit pigineqarpoq.
Aappariit aallarnisaasut Narsami akunnittarfik inissiisarfilik inissiartalillu 2014-imi ingerlatarilerpaat. Akunnittarfiuteqarnertik kisiat tusaamasaassutiginngilaat. Immiorfeeqqamik Qajaq Brewery-mik 2014-imi aallartitsipput, immiaaqqanillu 2015-imi tunisassiulerlutik.
Takornariartitsinermik aallussiniartut
Kattie Nielsenip Fridrik Magnussonillu immiorfiutertik, Qajaq Brewery, 2015-imi aallartippaat. Immiugaasa amerlanersaat Nunatsinni tunineqartarput. Aappariit immiorfimmiittut takuneqarsinnaapput.
Assi: Hotel Narsaq
Aappariit Reykjavikimi paasissutissiisarfimmik takornariartitseqatigiiffiusumik 2015-imit 2017-imut aallartitsipput, ilaatigut Islandimi angalaarnernik angalanernillu aamma Kalaallit Nunaannut killormullu angalanernik tuniniaasarlutik. Kattie Pauline Nielsenip aamma Fridrik Magnussonip Narsami Café Inugssuk ammarpaat.
Suliffeqarfik amigartooruteqaraangat niuernermi periaatsini ajortoqarneranut ersiutaasarpoq. Allanngortitsineq tassaavoq suliffeqarfiup niuernermini periaatsiminik allannguinera amigartoorutiminillu sinneqartoorutinngortitsinera.
Hotel Narsaq ApS-ilu periaatsiminik allannguisimasoq, Fridrik Magnusson isumaqarpoq.
- Akunnittarfik, ingerlatseqatigiiffimmut ilaasoq sinneqartooruteqartuaannarpoq. Ingerlatseqatigiiffik aallaqqaammut ingerlalluaraluarpoq. Immiorfimmilli aallartitsineq amerlasuunik aningaasaliinissamik pisariaqartitsiffiuvoq.
- Immiorfeqarnerput ukiualunni aningaasartuutigingaatsiaratsigu, taamaattumik ukiuni taakkunani ingerlatseqatigiiffitsinni amigartoortarpugut. Tamatumunnga tunuliaqutaalluni Kalaallit Nunaanni puukunik utertitsisarnermi periaatsimut peqataannginnerput.
- Maannakkulli immiorfik aningaasatigut ingerlallualeriartorpoq, siornalu suliffeqarfik sinneqartoorfiulluni, ukiuni arlalinni immiorfik annertuumik aningaasaliiffiginikuugatsigu tuniniaanerpullu annikitsuinnaalluni.
- Suli aningaasaliissuteqartariaqarpugut, tuniniaanerpulli annertusiartorluni. Ilaatigut maqitsivimmut nutaamut aningaasaliinissaq pisariaqarsimavoq, Fridrik Magnusson Sermitsiamut oqarpoq.
Qajaq Breweryp immiaaraliaasa amerlanersaat Nunarput tamakkerlugu tunineqartarput, sinnerilu Danmarkimi tuniniarneqartarlutik.
- Maannakkulli immiorfik aningaasatigut ingerlallualeriartorpoq, siornalu suliffeqarfik sinneqartoorfiulluni, ukiuni arlalinni immiorfik annertuumik aningaasaliiffiginikuugatsigu tuniniaanerpullu annikitsuinnaalluni.
- Suli aningaasaliissuteqartariaqarpugut, tuniniaanerpulli annertusiartorluni. Ilaatigut maqitsivimmut nutaamut aningaasaliinissaq pisariaqarsimavoq, Fridrik Magnusson Sermitsiamut oqarpoq.
Qajaq Breweryp immiaaraliaasa amerlanersaat Nunarput tamakkerlugu tunineqartarput, sinnerilu Danmarkimi tuniniarneqartarlutik.
Aningaasarsiornermi unammillernartut
Kattie Nielsen aamma Fridrik Magnusson Qajaq Brewery-mi immiaaqqanik immiortarnermik saniatigut aamma akuiaaffimmik pilersitsisimapput, ilaatigut gin-iliortarlutik.
Assi: Hotel Narsaq
Suliffeqarfimmi suut tamarmik ingerlalluanngillat. Akunnittarfimmilli ingerlatsineq aningaasatigut ilungersunartorsiorfiulluni.
Naatsorsuutinut ilanngussani takuneqarsinnaasutut piginneqatigiiffik nammineq aningaasaatiminik suli amigartooruteqartarpoq. Suliffeqarfiup nammineq aningaasaataasa amigartoorutai decembarip 31-anni 2025-mi 2,1 millionit koruuniupput.
Ingerlatseqatigiiffimmit nalunaarusiami atuarneqarsinnaavoq, ingerlatseqatigiiffik 2025-mi immikkut ittumik nioqqutiminut toqqorsivimminit 1,8 millionit koruuninik nalilinnik tunisaqarsimasoq. Ingerlatseqatigiiffik 2025-p naanerani katillugit 10,9 millionit koruuningajannik akiitsoqarsimavoq. Aqutsisut 2025-mut naatsorsuutini allapput, ingerlatseqatigiiffik ingerlaannassappat piumasarineqartoq 2026-mi isertitat naatsorsuutigineqartut akiliisinnaassuseqarnerlu piviusunngortinneqarpata, aamma ingerlatseqatigiiffiup akiitsuminik annertuunik akiliinissamut isumaqatigiissuteqartoqassappat imaluunniit isumaqatigiissutit attatiinnarneqarpata.
Ingerlatseqatigiiffik ilaatigut Akileraartarnermut Aqutsisoqarfimmut aamma Namminersorlutik Oqartussanut akiitsoqarpoq. Naatsorsuutinut ilanngussani atuarneqarsinnaavoq ingerlatseqatigiiffiup ingerlaqqinnissaa nalorninartinneqartoq, namminerlu aningaasaatai 2,1 millionit koruuninik amigartooruteqartoqarfiusut. Tamanna Hotel Narsaq ApS-ip kukkunersiuisuata, Kukkunersiuinermik Suliffeqarfiup BDO-p, aamma naatsorsuutinut ilanngussani innersuussutigisimavaa.
- Nammineq aningaasaatit aappaagu sinneqartoorfiussapput, tamanna qularinngilluinnarpara, Fridrik Magnusson oqarpoq.
Akiitsoqarfiit oqaloqatigineqartut
Naatsorsuutit tunniunneqarnerannut atatillugu siunissami taarsersuinissamut atugassarititaasut pillugit akiitsoqarfigineqartut suli oqaloqatigineqartut, naatsorsuutini takuneqarsinnaavoq. Aqutsisut 2026-mut akiliisinnaassuseqarnissamut missingersuusiorsimapput, tassanilu ukiup ingerlanerani akiliisinnaassuseqarnikkut ingerlalluartoqarnissaa ukiullu naanerani akiliisinnaanikkut sinneqartooruteqarnissaq takuneqarsinnaalluni.
"Ingerlatseqatigiiffiup aningaasanik katersisinnaassusiata nukittorsarnissaanut pisariaqartunik iliuuseqarsinnaassallutik aqutsisut naatsorsuutigaat, ilaatigut aningaasartuutit qaffasissusaannik nalimmassaanermik ingerlaavartumik kiisalu pisariaqalerpat pigisat tuniniarneqalersinnaanerannik. Ingerlatseqatigiiffiulli akiitsoqarfigisaannut isumaqatigiinniarnerit ingerlanneqartut qanoq inerneqarsinnaanerat kiisalu angusassatut missingersuutigineqartut akiliisinnaassutsimullu iluaqusiisussat nalorninartoqarlutik.
Pissutsit tamakku takutippaat, nalorninartorsiortoqartorujussuusoq, tamannalu ingerlatseqatigiiffiup ingerlaannarsinnaaneranut qularuteqalersitsisinnaalluni", aqutsisut allapput.
