Unammillerneqarnerujartortilluta
Pisiffiup Kalaallit Nunaanni naleqarnerulersitsiniarluni
suliniuteqartuarnini attappaa – pisisartunut, sulisunut inuiaqatigiinnullu
tamanut iluaqutaasumik.
Suliffeqarfiup
pisortaanera Per Steen Larsen 2025-mut naatsorsuutit saqqummiunneqarneranni oqarpoq.
Unammillerneqarnerujartortilluta
Pisiffiup Kalaallit Nunaanni naleqarnerulersitsiniarluni
suliniuteqartuarnini attappaa – pisisartunut, sulisunut inuiaqatigiinnullu
tamanut iluaqutaasumik.
Suliffeqarfiup
pisortaanera Per Steen Larsen 2025-mut naatsorsuutit saqqummiunneqarneranni oqarpoq.
Pisiffik kitaani 54-inik
pisiniarfiuteqarluni Kalaallit Nunaanni atortussanik nerisassanillu pisiniarfiit annersaraat. 2025-mi kaaviiartitat aatsaat taama amerlatigalutik 1.,6 milliarfit koruuniupput, ukiup siuliani 1,5 milliardit koruuniullutik.
2025-mi
akileraarutit ilanngaatigereerlugit 34,7 millionit koruuningajaat sinneqartoorutigineqarput, 2024-mi 18,7 millionit koruuninik
sinneqartooruteqarluni.
Aningaasaliissutit
annertuut
Pisiffik
piginnittut peqatigalugit ukiuni tallimani kingullerni suliffeqarfiup
ineriartortinnissaanut 283 millionit koruuninik
aningaasaliissuteqartarpoq. Tamatuma saniatigut suliffeqarfik ukiuni
tallimani akileraarutitigut akitsuutitigullu 1,3 milliardit koruuninik inuiaqatigiinnut pilersueqataavoq.
Pisiffik niuernerup qajannaannerulernissaa aamma aningaasaliinikkut,
suliffissaqartitsinikkut akileraarutinillu akiliinermigut
inuiaqatigiinnut iluaqutaasumik ineriartortitsinissaq siunissaq ungasinnerusoq eqqarsaatigalugu sulissuteqarpoq.
-
Kalaallit Nunaanni inuiaqatigiinnut tunniussaqarsinnaanerput
ataatsimut isigalugu tulluusimaarutigaarput. Aningaasaliinerit,
suliffiit akileraarnerit akitsuutillu annertuut aqqutigalugit tamanna pivoq.
Tamatuma saniatigut nutaanik pilersitsinermik atorneqartussanik
aningaasaliissaagut, Per Steen Larsen oqarpoq.
Anguniagaq:
Iffiat kaagillu Nunatsinni sanaartorneqartalernissaat
Aningaasaliinermut
assersuutissatsialak ataaseq taavaa. Nuummi iffiorfiliorneq, tassani
iffiukkat sinerissami pisiniarfinnut tuniniarneqartartut
pitsaanerulersinneqassapput. Tamannalu imminut pilersornerunissamut
alloriarneruvoq pingaarutilik, nunanit allaneersut pisariaqartitsineq
annikillisinniarlugu pilersuinerlu patajaallisarniarlugu.
Anguniagaq
ersarippoq: Pisiffiup iffiorfiini iffiat kaagillu Kalaallit Nunaanni 2026-mi tunisassiarineqartalersimassapput.
Aammattaaq
Pisiffiup pigisaralugulu ingerlataa KK Engros pisisartoqarnerulerlunilu kaaviiartitaqarnerulerpoq.
Qaqortumi ineriartorneq aamma pitsaalluinnarpoq. Tamanna
takornariaqarneq mittarfittaarnerullu ilutigisaanik ineriartorneq
aallaaveqarpoq.
-
Najukkami aningaasaliinerit pingaarnersiugaraagut, tamanna niuernermik
inuiaqatigiinnillu nukittorsaanitsinnut iluaqutaasarmat. Najukkami
piginnaanerit ineriartortinneqarput, inissisimaffipput
nukittorsarneqarluni periarfissallu nutaat
atorluarnerusinnaalerpavut, ilaatigut takornariaqarneruleriartornerup
kingunerisaanik. Tamatuma saniatigut suliffeqarfimmi
nammineersinnaaneruneq tulluusimaarutigineqarpoq, Per Steen Larsen
oqarpoq.
800-t
missaanniittut sulisorineqartut
Pisiffik 800-t missaannik sulisoqarpoq, taakkulu atugarissaarnissaat,
ilinniartitaanissaat ineriartornissaallu anguniarneqartuarluni.
Inuusuttut suliffittaarnissaminnut
toqqissisimanartumik periarfissinneqarnissaat siunnersorteqarnissamik aaqqissuussaq suliniutit pingaarnerit ilagaat.
Tamatuma
saniatigut inuit salliunniarlugit aalajangersimasumik qullersat
iliuuseqarput.
Tamanna
suliffeqarfimmi tamarmi malunnarsiartuinnartuusoq suliffeqarfimmilu
kulturimik aqutsinermillu nukittorsaasoqarnissaanik
suliniutigineqartut ilaanniittoq, pisortaanerup oqaatigaa
Niuerfiit
amerliartorput
Pisiffik
pisiniarfiutiminik ukiuni kingullerni ineriartortitserujussuarpoq.
Nuummi pisiniarfiit arlallit nutarterneqarput, Sisimiunilu
pisiniarfissuaq nutaaq pilersinneqarpoq suliffinnik nutaanik
pilersitsilluni.
Tamatuma
saniatigut suliffeqarfiup digitalimik ineriartorneq aaqqiissutissanik
ulluinnarni naleqarnerulersitsisunik siuarsarpaa. Pisiffik maanna
26.000-it missaannik ilaasortaqarpoq, taakkualu pisiniarfinni
assigiinngitsuni pointinik katersisarput ulluinnarnilu
pisiaqarnerminni atortarlugit.
Paasissutissanik
digitalinillu atortunik atuineq ingerlatsinermi angusaqarluarnermik
kinguneqarpoq. Ukiup ataatsip ingerlanerani nerisassat igitat
kaaviiaartitanut sanilliullugit 1,31 procentimiit 0,92 procentimut
appartinneqarsimapput.
Tamatuma
saniatigut nittartakkatigut pisiniarfiit nutaat Pisiffimmut KK-mullu,
piffissap ingerlanerani nuna tamakkerlugu pisiniarnermik
ajornannginnerulersitsisussat, sanaartorneqarput.
