KL

DK

Qeqertarsuarmi misissuinermut suliniut, amerikamiut aningaasaliiffigineqartoq aallartittoq

Tuluit uuliasiortitseqatigiiffiata 80 Mile-p suliffeqarfiutini Disko Exploration aqqutigalugu Qeqertarsuarmi Nuussuarmilu qulimiguulimmik misissuiffissat qulaavaallugit qillerinernillu ingerlatsilluni misissuinerit ingerlatileruttorpai. Qillerilluni misissuinissanut pilersaarutit USFM Corporationimit aningaasaliiffigineqarput, taanna Robert Price-mit pilersinneqarpoq pigineqarlunilu. Taanna aamma Nunap Qeqqani uuliamik ujaasinissamut pilersaarutinut, oqartussanit akuersissuteqarfigineqarfigineqarnissaminnut suli utaqqinneqartunut aamma aningaasaliisuuvoq. 

Ingerlatseqatigiiffik sumiiffimmi tamaani marlunnik qilleriveqarpoq, naatsorsuutigineqarlunilu Qeqertarsuarmi Nuussuarmilu septembarip qiteqqunnerata tungaanut misissuinini ingerlatiinnassagaa.
Trine Juncher Jørgensen Tusagassiortoq / tusagassiortoq
Saqqummersinneqarpoq

Aatsitassarsiortitseqatigiiffiup 80 Mile-p pisortaq Roderick McIllree siuttoralugu suliffeqarfiutini Disko Exploration Ltd aqqutigalugu Qeqertarsuarmi annertuumik qillerileruttorpoq, taannalu juulimit septembarip qiteqqunneranut ingerlanneqassalluni. 

Qillerineq USFM Corporationimit, Amerikamiup Robert Pricep aamma Nunap Qeqqani uuliamik ujaasinissamut aningaasaliisup pilersitaanit pigisaanilu, aningaasalersorneqarpoq.

Aatsitassarsiortitseqatigiiffiup 80 Mile-p pisortaq Roderick McIllree siuttoralugu suliffeqarfiutini Disko Exploration Ltd aqqutigalugu Qeqertarsuarmi annertuumik qillerileruttorpoq, taannalu juulimit septembarip qiteqqunneranut ingerlanneqassalluni. 

Qillerineq USFM Corporationimit, Amerikamiup Robert Pricep aamma Nunap Qeqqani uuliamik ujaasinissamut aningaasaliisup pilersitaanit pigisaanilu, aningaasalersorneqarpoq.

 

Robert Price-p Roderick McIllree, 80 Miles-imi misissuinermi pisortaq aamma Olga Solovieva kiisalu Bill Kellaway SRK Explorationimeersut peqatigalugit Qeqertarsuarmut juulimi angalapput. Tamannalu ingerlatseqatigiiffiup videoliaani minutsinik qulinik sivisussusilimmi, ingerlatseqatigiiffimmit saqqummiunneqartumi takuneqarsinnaavoq.  

Robert Pricep 30 millionit dollarinik aningaasaliissuteqarluni Disko Explorationip piginneqataassutaasa 51 procentii pisiarai. Ingerlatseqatigiiffiup siusinnerusukkut nalunaarutaani tamanna atuarneqarsinnaavoq. 

Qullissani tammaarsimaffik  

Ingerlatseqatigiiffik Qeqertarsuarmi illoqarfimmi inuerutitinneqarsimasumi Qullissani tammaarsimaffeqarpoq. Tamaani Qeqertarsuarmi Nuussuarmilu nikkelimik, kanngussammik kobolt-imillu ujaasilluni qillerisoqartussaavoq. Qillerinissamut pilersaarummi qulimiguulimmit ikiorserneqarnissaq qillinissallu marluk pineqarput.

– Sulisut 40-t missaanniittut Qullissani najugaqarfissaannik pitsaasumik tammaarsimaffilioratta. Tammaarsimaffitta qanittuani qulimiguulimmik qulaavaalluta qillerillutalu aallartikkatta, tamaanngaannillu siaruariartuaassalluta, ingerlatseqatigiiffiup videoliaani taama oqartoqarpoq.

Misissuisut pisortaata Olga Solovieva-p oqaatigaa, „qillerinernit nutaanit misissuinerit kiisami aallartinnerat pissanganartuusoq“.

– Suli qillerigallartariaqarpugut, taamaattorli Qullissat eqqaanni oqaluttuarisaanermut tunngasunik aamma nassaassaqarpugut, taamaattumik nassaarisavut tupaallaatiginngilavut. Nunap sannaanut naatsorsuutigisavut taamaalillutik uppernarsarneqarput, Olga Soloviewa videomi oqarpoq.  

  

Disko Exploration sulisut 40-t missaanniittut najugaqarfigisaannik tammaarsimaffiliorpoq.

Canadamiut qillerinermik ingerlatsiviutaat Forage Fusion Drilling qillerinernik ingerlatsissaaq, Tuluillu suliffeqarfiutaat SRK Exploration ujarassiuutut misissuinernik aqutsissalluni. Taakku saniatigut Air Greenland angallassinissanut aaqqissuussinernilu suliassanut attartorneqarpoq.

Pisartagaqarneq

Allaaserisaq tamaat atuarniarukku atuisunngortariaqarputit! Iserit!

Sermitsiaq.gl – Nittartagaq

  • Sermitsiaq.gl-imi allaaserisat tamakkiisumik atuarsinnaalissavatit
  • Qaammammut kr. 59.00
  • Ukiumut kr. 650.00
ATUISUNNGORIT

Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.

80 mile qeqertarsuaq placed inuussutissarsiutit disko exploration aatsitassarsiornermik misissuinerit qullissat

Atorfiit tamaasa takukkit

PODCASTI

Powered by Labrador CMS