Filmiliornermi ilitsersuisup nunatsinnut tapersersuinini takutinniarlugu filmiliani nunarsuaq tamakkerlugu siullermeerluni Katuami takutissagaa
Filmi "Velkommen på Månen" Nuummi sisamanngornermi takuteqqaarneqassaaq.
Filmi ikinngutigiinnilikkersaarutitut quiasaarusiaavoq, aammali siumut oqaatigineqarsinnaanngitsunik pisunik pissanganartunillu ulikkaartutut allaatigineqarpoq.
Assi: Rolf Konow
Danskit filmiliaat "Velkommen på Månen" Katuami Nuummiittumi sisamanngornermi illernartumi nunarsuaq tamakkerlugu takuteqqaarneqaqqaassaaq.
Oscarimut innersuunneqartup Aske Bangip pisuusaartitatut perngaamik filimiani, nunatsinnut misiginneqataanini ersersinniarlugu Nuummi takuteqqaassavaa:
“Nunarsuarmi pissaaneqarnerpaamit sivisuumik navianartorsiortinneqarsimasunut misiginneqataanera ersersinniarlugu Kalaallit Nunaat nunarsuarmi takutitseqqaarfiginiarlugu aalajangerpunga.”
“Kalaallit qasuersaarnissartik Kalaallillu Nunaata ulorianartorsiortinneqartarnera puigulaarnissaat pisariaqartippaat. Nuannaartitsiniarluta, illartitsiniarluta nuannaarnerulersitsiniarlutalu tikippugut,” Aske Bang tusagassiuutinut nalunaarummi oqarpoq.
Filmimi Velkommen til Månen-imi filmiliornermi ilitsersuisoq Bo ikinngutimi Martinip qeqertami avinngarusimasumi Mønimi nukappiunermik naggataarinninneranut qaaqquneqarpoq. Bo ikinngutigiinnerminnut akornutaasinnaasumik isertugaqarpoq, sapaatillu akunnerata naanerani eqqumiitsunik pisoqarpoq.
Filmimut pilerisaarut uani takuneqarsinnaavoq.
Aske Bang filmimilu pingaarnertut inuttaaqataasoq Stanislav Sevcik sisamanngornermi, tallimanngornermi arfininngornermilu filmi takutinniarlugu Katuamut tikeraarput.
