2025-mi timersornermut tunngatillugu immikkut tulluusimaarutigisannik pisoqarpa?
- Timersornermut attuumassuteqartut arlaqartut ukioq 2025-mi puigunaatsorsiffigaangut – ingammik Brasiliamut futsalimik unammiarnerput. Unammiuaarnermi tassani nunarsuarmi pissartat aamma nunat angisuut allat naapippavut. Nunarsuarmi futsalimi arsartartut pitsaanerit ilaat nunaanni unammillugit misigisaq nuannerluinnarpoq. Avatangiisit tupinnangaarput misigisallu annertupput. Kalaallit Nunaata Brasilia, Iran aamma Afghanistan unammisinnaammagit takorluukkatut piviusunngortutullusooq ippoq.
ATEQ: PATRICK FREDERIKSEN
Ukiut: 31
Suliffik: Suliniummik aqutsisoq
Timersuut: Illup iluani silamilu arsartartoq
2025-mi timersornermut tunngatillugu immikkut tulluusimaarutigisannik pisoqarpa?
- Timersornermut attuumassuteqartut arlaqartut ukioq 2025-mi puigunaatsorsiffigaangut – ingammik Brasiliamut futsalimik unammiarnerput. Unammiuaarnermi tassani nunarsuarmi pissartat aamma nunat angisuut allat naapippavut. Nunarsuarmi futsalimi arsartartut pitsaanerit ilaat nunaanni unammillugit misigisaq nuannerluinnarpoq. Avatangiisit tupinnangaarput misigisallu annertupput. Kalaallit Nunaata Brasilia, Iran aamma Afghanistan unammisinnaammagit takorluukkatut piviusunngortutullusooq ippoq.
Maligassiuineq ilinnut qanoq isumaqarpa?
- Timersortarfimmi arsaattarfiullu avataani maligassiuisuunissaq akisussaaffiliivoq. Nukittuujusariaqarpoq avatangiisillu ilisimalluinnartariaqarput, ilaatigut iliuutsit pissusilersornerlu eqqumaffigisariaqartaratsigit. Aammali maligassiuisuuneq ataqqinaataasarpoq, allanik timersornermut tunngasutigut allatigullu aqutissiuillunilu ikiuisinnaaneq ataqqinaataasarluni. Taamaattumik tulluusimaarutigalugulu nuannaarutigeqaara nalunagu arlaatigut taakkununnga maligassaalluarnera.
Nunanut allanut unammisartuunerit ilinnut qanoq pingaaruteqarpa?
- Nunarput sinnerlugu unammisartuuneq nuannareqaara. Timersuutivut atisinnarlugit Inuiattut erinarsuuterput erinarsorlugu annertuumik tulluusimaarutigisassaavoq. Nunarput sinnerlugu peqataanissara qilanaariuaannarpara, timersornerup silarsuaani matumani futsalimi arsaannermilu Kalaallit Nunaat nunarsuarmioqatitsinnut peqataasinnaanera takutikkumallugu.
Inuiattut erinarsuuterput tusarnaaraanni nukissaqalersitsisarlunilu piumassuseqarnerulersitsisarpoq nuannaarnerulersitsisarlunilu.
2026-mut qanoq takorluugaqarpit?
- 2026-mut takorluugaara tassaavoq, Kalaallit Nunaat sinnerlugu suli amerlanerusunut unammiartalernissaq, aammali angusaqarluarnerulernissarput – ajugaanerunissaq, aamma ilikkagaqarluarnerput angerlamut nassartassallugu. Aamma 2026-mi unamminernik amerlanerusunik, immaqa angerlarsimaffimmi futsalimik arsaannermilluunniit, peqataanissarput takorloorpara.
