Inukkuluk G. Lennert King of Taekwon-Do-mi bronzennattoq 

Inukkuluk G. Lennert, kalaallillu nunanut allanut unammisartut, nunat tamalaat akornanni pissartanngorniunnermi King of Taekwon-Do-mik taaneqartartumi, Thessalonikimi Grækenlandimi decembarip 11-aniit 14-ianut 2025-mi pissartanngorniunnermi peqataanertik naammassisimalerpaat. Pissartanngorniunneq Europami Taekwon-Do-mi ataqqisaanerpaatut unammillernarnerpaatullu isigineqarpoq, nunaniillu 20-ngajannit peqataaffigineqarluni.

Inukkuluk G. Lennert tul-imik unamminermi inersimasuni (2. dan qernertumik qitequtilinni) angusarissaarpoq, bronzenannissaminullu pissutissaqarluarluni. Unamminermi peqataasut 13-iusut akornanni unammisartunut nukittuunut Grækenlandimeersunut, Ukrainemeersunut Estlandimeersunullu unammivoq. Siunniussaqarluarluni teknikkikkullu piginnaasaqarluarami Lennertip Europami pitsaanerpaat akornanni inissinnini iluatsippaa.

- Timersortartut angusarissaarnerat naammagisimaarluinnarpara. Innukkuluup bronze-nannissaa pissusissamisoorpoq, nunanut allanut unammisartunut sungiusaasoq Louis Nielsen oqarpoq.