Tusagassiivik: IOC- kalaallit savalimmiormiullu OL-mi peqataasarnissaannut kaammattut itigartikkaa

Kalaallit savalimmormiullu timersortartut namminerisaminnik erfalasumik ataanni OL-mi peqataanissaq sinnattoriinnartariaqarpaat.  

Den Internationale Olympiske Komitémi (IOC) Folketingip Præsidiaata tamanna pillugu kaammattuutaa itigartippaat.  

Taama AP allappoq.  

Sapaatip akunnerani siusinnerusukkut Folketingip Præsidiaa IOC-mut saaffiginnissuteqarlutik Kalaallit Nunaata Savalimmiullu nammineq erfalasortik atorlugu OL-mi peqataasinnaanerat kaammattuutigaat.  

Namminerisamilli olympisk komitéqassagaanni, nunarsuarmioqatigiinni akuerineqartutut naalagaaffittut namminersortuusariaqartoq, IOC oqarpoq. Kalaalilli Nunaat Savalimmiulluunniit taamatut inissisimanngillat.  

- Ukiut kingulliit ingerlaneranni taamatut isummerneq pineqartunut arlaleriarluni erseqqissorujussuarmik nassuiarneqarlunilu nalunaarutigineqartoq, AP naapertorlugu IOC-p ilisimatitsissutigaa. 

Kalaallit savalimmiormiullu timersortartut maannamut ileqquusoq atorlugu siunissami danskit erfalasuata ataani suli peqataasinnaapput.