Politikkikkut soqutigisat assigiinngimmata pisortat suliffeqarfiutaat sulisitsisut namminersortut kattuffiannit, Sulisitsisunit (GE), immikkoortinneqarnissaat pisariaqartoq Naleraq isumaqarpoq. Ilaasortaanermut akiliutit ikilinerisigut pisortat aningaasaataasa sipaarneqarsinnaanissaat aammattaaq eqqarsaatigineqarpoq.
Aalajagiiffigisassatut siunnersuut Inuussutissarsiornermut Aatsitassanullu Ataatsimiititaliami suliarineqartoq partiinit Siumumit, IA-mit, Atassummit Demokraatinillu taperserneqanngilaq, tamanna Inatsisartut ataatsimiittarfianni upernaakkut ataatsiinnermi aappassaaneerneqarnissaanut isumaliutissiissummi allassimavoq.
Politikkikkut soqutigisat assigiinngimmata pisortat suliffeqarfiutaat sulisitsisut namminersortut kattuffiannit, Sulisitsisunit (GE), immikkoortinneqarnissaat pisariaqartoq Naleraq isumaqarpoq. Ilaasortaanermut akiliutit ikilinerisigut pisortat aningaasaataasa sipaarneqarsinnaanissaat aammattaaq eqqarsaatigineqarpoq.
Aalajagiiffigisassatut siunnersuut Inuussutissarsiornermut Aatsitassanullu Ataatsimiititaliami suliarineqartoq partiinit Siumumit, IA-mit, Atassummit Demokraatinillu taperserneqanngilaq, tamanna Inatsisartut ataatsimiittarfianni upernaakkut ataatsiinnermi aappassaaneerneqarnissaanut isumaliutissiissummi allassimavoq.
Allannguutissatut siunnersuut
Partiilli taakku sisamat allannguutissatut siunnersuutaanni minnerpaamik “ilaasortaanermut akiligassat annertussusaat, ilaasortaanerup nalinga soqutigisaqaqatigiinnerillu pillugit” Inuussutissarsiornermut Aatsitassanullu Ataatsimiititaliamut ukiut tamaasa paasissutissiisoqartassasoq piumasarineqarpoq.
Pisortat suliffeqarfiutaat, taakkualu ilaat sulisitsisut peqatigiiffiannut ilaasortaaneq "nalilinnik ersarissunillu, soorlu suliffinnut attaveqarnermik, pikkorissaanermik inatsisitigullu siunnersuinermik sulisoqarnermut tunngasunik“ iluaqutissartaqartoq ataatsimiititaliap nalunaarusiami innersuussutigaa.
”Suliffeqarfiit Sulisitsisullu kiisalu
Namminersorlutik Oqartussani suliffeqarfiit Sulisitsisut suleqatissarsiortarnerini soqutigisanik
aporaaffeqartoqanngitsoq ataatsimiititaliap paasivaa. Suliffeqarfiit assersuutigalugu
inatsisissatut siunnersuusiornerni tunngaviusumik immikkut tamarmik
tusarniaavigineqartarput, tamannalu isummersuutinik assigiinngitsunik isummernissamut
periarfissiisarluni, Sulisitsisunit saqqummiunneqartumit allaanerusumik, suliffeqarfiillu
ilaasortaasut Sulisitsisut isummersuutaannut assigisaanullu pituttorsimasanngitsut
maluginiarneqarpoq”, ilisimatitsissutigineqarpoq.
Ilaasortaanermut akiliutit millioninik naleqartut
Namminersorlutik Oqartussat ingerlatseqatigiiffiutaat 2 million koruuningajannik ilaasortaanermut akiliuteqartarput, namminersortullu ingerlatseqatigiiffiutaat ukiumut 20.000 koruuninik akiliuteqartarlutik.
"Suliffeqarfiit ataasiakkaat namminneq ilaasortaanermut iluaqutissartai kisiisa pinnagit, oqallinnermili tunngaviusumik isummertariaaseq pineqarmat ataatsimiititaliap naqissuserumavaa", Inuussutissarsiornermut Aatsitassanullu Ataatsimiititaliaq erseqqissaavoq.
"Suliami matumani soqutigisaqaqatigiiffik namminersortoq Naalakkersuisut
soqutigisaannut akerliusinnaasumik soqutigisaqarsinnaasoq tulluuttuunersoq ataatsimut
isigalugu matumani pineqarpoq, Namminersorlutik Oqartussat suliffeqarfiutaasa
ilaasortaanermut akiliinikkut taperneqartartut, suliffeqarfiit namminersortitat ataasiakkaat
ilaatigut ilanngullugit. Oqallinneq pineqartoq pisariaqartinneqarpoq", isumaliutissiissummi allassimavoq.
