Nunatta eqqartuussisuuneqarfiani eqqartuussut 2026-mi marsip 19-iani saqqummiunneqarmat Royal Greenland inuttalersuinermut malittarisassanik arlaleriarluni unioqqutitsinini pillugit katillugit 135.000 koruuninik akiligassinneqarpoq. Suliaq Kalaallit Nunaanni Eqqartuussivimmi aalajangiiffigineqareerluni 2025-mi februaarimi suliareqqitassanngortinneqarpoq.
Eqqartuussivik suliani tamani Royal Greenlandip umiarsuaani aalisartunut naalakkanullu inuttat allattorsimaffii aamma inuit allattorsimaffiat naapertorlugu najugaat pissarsisinnaavoq, inuillu assigiinngitsut pingasut – naalakkat Savalimmiormiut marluk kalaalerlu aalisartoq ataaseq – najukkatut nalunaarsorsimasaat aalajangersimasoq arlaleriarluni takuneqarsinnaaavoq:
Nunatta eqqartuussisuuneqarfiani eqqartuussut 2026-mi marsip 19-iani saqqummiunneqarmat Royal Greenland inuttalersuinermut malittarisassanik arlaleriarluni unioqqutitsinini pillugit katillugit 135.000 koruuninik akiligassinneqarpoq. Suliaq Kalaallit Nunaanni Eqqartuussivimmi aalajangiiffigineqareerluni 2025-mi februaarimi suliareqqitassanngortinneqarpoq.
Eqqartuussivik suliani tamani Royal Greenlandip umiarsuaani aalisartunut naalakkanullu inuttat allattorsimaffii aamma inuit allattorsimaffiat naapertorlugu najugaat pissarsisinnaavoq, inuillu assigiinngitsut pingasut – naalakkat Savalimmiormiut marluk kalaalerlu aalisartoq ataaseq – najukkatut nalunaarsorsimasaat aalajangersimasoq arlaleriarluni takuneqarsinnaaavoq:
Royal Greenlandip Nuummi qullersaqarfiani Qasapi 4-mi, 3900 Nuuk, nalunaarsorneqarsimapput.
Aalisarnermillu ingerlatseqatigiiffiup allaffia inuttassarsiuussinermut tunngatillugu Kalaallit Nunaanni inuit taakkua najugaqarfigisinnaasaattut isigineqartoq Nunatta Eqqartuussisuuneqarfiani eqqartuussummi kingullermi erseqqissarneqarpoq.
Inunnik nalunaarsuisarfimmit akuerineqartoq
Suliaq 2025-mi aallartimmat Kalaallit Nunaanni Eqqartuussiviup Qasapi 4 najugaqarfissatut akuerisaanngitsutut oqaatigaa. Kinaluunniit adressemi tassani najugaqaranilu najugaqarfissatut akuerisaanngilaq.
Oqartussalli Royal Greenlandip qullersaqarfia najugassatut akuerisatut isigisimagaat pingaarnerusoq Nunatta Eqqartuussisuuneqarfia suliareqqiinermi qanittukkut aalajangiivoq. Eqqartuussummi ima allassimavoq:
– Qasapi 4, Royal Greenlandip Nuummi qullersaqarfia, inuttanut najukkatut arlaleriarluni nalunaarsorneqarsimavoq, tamatumalu Kommuneqarfik Sermersuumit aamma KANUAPNA-mit ( Aalisarnermut Piniarnermullu Nakkutilliisoqarfimmit, aaqq.) akuerineqarnera tunngavilersuutigineqarpoq.
Aquttoq savalimmiormiu aalisariarnermi aalajangersimasumi naalakkatut najugaqavissutut taaneqarmat Nunatta Eqqartuussisuuneqarfiata Qasapi 4-p inunnut nalunaarsuivimmi najukkatut akuerinera suliami ataasiinnarmik aalajangiisuuvoq. Tamanna pissutigalugu inuttat 60 procentiisa najugaqavissuunissaannik piumasaqaat naammassineqarmat Royal Greenland suliami pinngitsuutinneqarpoq.
Qanoq atugaatiginersoq suli nalunartoq
Eqqartuussinermi matumani inuit pingasuinnaat — naalakkat Savalimmiormiut marluk aalisartorlu kalaaleq ataaseq — pineqarput.
Kommuneqarfik Sermersuumili sulisunut pisortaq Royal Greenlandimi najugaqarfittut nalunaarsuisarnerit suli atorfininngikkallaramili, tassa 2016 sioqqullugu, atugaasut suliami ilisimannittutut paasissutissiivoq. Qasapi 4 najugaqarfittut nalunaarsuinermi inatsisitigut akuerisaanngitsoq Royal Greenlandimut arlaleriarlugu erseqqissarsimavaa.
Royal Greenland Kommuneqarfik Sermersoorlu ullumikkut qanoq isumaqarnersut allaaserisat allat atuarlugit paasisaqarfigisinnaavatit.
Kalaallit Nunaanni eqqartuussivimmi 2025-mi februaarimi eqqartuussut siulleq Sermitsiami ilisimasaqarfiginnginnatsigu saqqummiunneqarnikuunngilaq. Eqqartuussutinut nalunaarsuiffinnik Kalaallit Nunaanni Eqqartuussivimmit pissarsineq ajorpugut.
