Nunatta Eqqartuussisuuneqarfiani Royal Greenlandip inuttalersuisarnermut malittarisassat unioqqutillugit aalisariutini inuttalersuisarsimasutut qanittumi pisuutinneqarpoq. Aalisartut umiarsuarmilu naalakkat arlallit Nuummi Qasapi 4-mi – Royal Greenlandip qullersaqarfiani – najugaqartutut nalunaarsorneqartarsimasut suliap ingerlanerani paasinarsivoq.
Kalaallit Nunaanni Aalisarnermut Piniarnermullu Nakkutilliisoqarfiup Qasapi 4 Kalaallit Nunaanni najukkatut akuerisimammagu, tassa inuttalersuisarnermut malittarisassat naammassiniarlugit, immikkut pingaaruteqarpoq. Naak adressemi tassani najugaqartoqarnera upperineqanngikkaluartoq.
Nunatta Eqqartuussisuuneqarfiani Royal Greenlandip inuttalersuisarnermut malittarisassat unioqqutillugit aalisariutini inuttalersuisarsimasutut qanittumi pisuutinneqarpoq. Aalisartut umiarsuarmilu naalakkat arlallit Nuummi Qasapi 4-mi – Royal Greenlandip qullersaqarfiani – najugaqartutut nalunaarsorneqartarsimasut suliap ingerlanerani paasinarsivoq.
Kalaallit Nunaanni Aalisarnermut Piniarnermullu Nakkutilliisoqarfiup Qasapi 4 Kalaallit Nunaanni najukkatut akuerisimammagu, tassa inuttalersuisarnermut malittarisassat naammassiniarlugit, immikkut pingaaruteqarpoq. Naak adressemi tassani najugaqartoqarnera upperineqanngikkaluartoq.
Suliami matumani pisimasut pingasuinnaat ilisimavavut, savalimmiormiut umiarsuit naalagaat marluk aalisartorlu kalaaleq ataaseq. Kommuneqarfik Sermersuullu innuttaasunik kiffartuussiviani pisortap oqarnera naapertorlugu najugaqarfigineqartutut nalunaarsuisarneq ukiorpassuarni ileqquusimavoq.
2016-imi atorfininnerani aamma taamaattoqartoq, suliap Kalaallit Nunaanni Eqqartuussivimmi 2025-mi siullermik suliarineqarnerani oqarpoq. Taamatut nalunaarsuisoqartarnerata unitsinnissaa taassuma iluatsissimanngilaa.
Sulisut najugaannut tunngasut oqaaseqarfigineq ajoraat
Sermitsiap Royal Greenlandimiit Qasapi 4-p najugaqarfigineqartutut nalunaarsorneqartarnera, naak najugaqarfigineqanngikkaluartoq, ilisimaneqarsimanersoq apeqqutigaa. Aamma aalisartut umiarsuarnilu naalakkat sumiiffimmi najugaqarfiginngisaminni nalunaarsorneqartarnerannut suna pissutaanersoq apeqqutigaarput.
Royal Greenlandimit ima akissuteqarfigineqarpugut:
– Royal Greenland A/S-ip sulisut sumi najugaqarnerat pillugu oqaaseqarneq ajorpoq. Royal Greenland A/S inuttalersuisarnermut maleruagassat atuuttut naapertorlugit aalisariutiminut inuttalersuisarpoq.
– Inuttalersuisarnermut maleruagassat nakkutilliisoqarfimmi (KANUAPNA) ukiut pingasut-sisamat matuma siornatigut allanngortinneqarmata piffissap ilaani nalornisoqaleraluarpoq. Tamanna pissutigalugu suliat arlallit aallartinneqarlutillu inuussutissarsiortut akornanni oqallinnerit pilerput. Tamatumunnga atatillugu KANUAPNA-mi arlaannaannulluunniit attuumassuteqanngitsumik avataaneersumit misissuiffigineqarpoq, tamannalu marsimi 2022-mi tamanut saqqummiunneqarluni.
– Royal Greenland A/S piffissami tamatumani pisuni ataasiakkaani eqqartuussivilersuunneqarpoq. Suliat taakku naammassereerput, assigiinngitsunillu inerneqarnikuullutik. Aallaqqaammut 210.000 koruuninik akiligassiisoqarnissaa piumasarineqarpoq, Nunattalu Eqqartuussisuuneqarfiata 135.000 koruuninik akiligassiinissaq aalajangerpaa. Kingornatigut assingusunik suliaqartoqarsimanngilaq.
– Aalisariarluni angalanerit tamarmik inuttat allattorsimaffiannik inatsisitigut pisussaaffiusunik nakkutilliisunut paasissutissiisoqartarpoq, taakkulu inuttat malittarisassanut naapertuunnersut nakkutigisarlugit. Tamanna Royal Greenland A/S-imit aamma malinneqartarpoq oqartussanillu oqaaseqarfigineqarneq ajorpoq.
Sermitsiamiit akissutigineqartut tigoreernerisa kingorna Royal Greenlandimut apeqqutit uteqqinneqarput.
Suliffeqarfiup inuit Qasapi 4-mi najugaqanngitsut nalunngikkaluarlugit taamatut nalunaarsortarsimaneraat eqqortuunersoq apeqqutigeqqipparput. Aalisartut umiarsuarnilu naalakkat piviusumi najugarinngisaminni najugaqartutut nalunaarsorneqartarsimaneranut suna pissutaanersoq tusarusukkaluarparput.
Royal Greenland akissutigineqartut qulaani allaaserisarimiittut attappai.
