Ajutoorujussuarneq: Aaqqiiniarneq ajunngitsumik ingerlasoq Microsoft nalunaarpoq

Suliffeqarfiup kiffartuussissutaanik ajutoornerit aaqqinniarlugit suliaqarneq ajunngitsumik ingerlasoq, suliffeqarfiup nutarterineqarnit takuneqarsinnaavoq.

- Attaveqaasersuutitta ilaanni upstream-patchimik autentificeriinissamut routingimullu ikkussuinerup atuutilernerata kingorna serverit aalaakkaanerusumik ingerlanerat ajunngitsunik inerneqarpoq, nutarterinermi nalunaaqutaq 8.30 missaanni tallimanngornermi ullaakkut danskit nalunaaqutaat malillugu nassiussami allassimavoq.

Patchi qarasaasiakkut nutarterineruvoq annikitsoq, soorlu kukkunernik aaqqiisartoq. Pisumi uani Microsoftip qarasaasiatigut programmiini siullerni nutarterineq pineqarpoq.

- Ineriartorneq nakkutigiinnassavarput serverinullu amerlanerusunut patchip atulernissaa sulissutigalugu, sumiiffiit atuiffiiusut aallarnisarneqalersut ikiorniarlugit.

Microsoftip sullisinermini programmiisa ilaanni soorlu Outlookimi, Teamsimi aamma Copilotimi ajutoortoqarnerit marlunngornermi unnukkut nalunaarutigineqarput.

Ajutoorneq ajortuliorniat iliuuseqarneraneersuuneranut ersiuteqanngitsoq Microsoft allappoq.

- Pisup uuma pinartutut pingaarnersiukkatullu suliarinera ingerlatiinnassavarput, aaqqinnissaata tungaanut.

Microsoft ajutoornermit ukioq manna aappassaa eqqorneqarpoq. Oktobarimi ukioq kingulleq aamma ajutoorput.

Amerikami AI-mik suliffeqarfiit OpenAI-p aamma Anthropicip Microsoftimik attaveqarniarnerminnik ajornartorsiuteqarnertik oqaatigaat.

Nakkutilliinermi nittartagaq Downdetector naapertorlugu Microsoftimik atuisut nunat 74-it ajutorrnermit eqqarneqarput.

RITZAU