Akileraartarnermut inaarutaasumik naatsorsuutit naammassipput: — 223 millionit koruunit akilerneqassapput

Akileraartarnermut Aqutsisoqarfik 2025-mut inaarutaasumik naatsorsuutinik maanna saqqummiussivoq.

Aningaasaqarnermut Naalakkersuisoqarfik tusagassiutitigut nalunaarummi ilisimatitsivoq Akileraartarnermut Aqutsisoqarfik akileraarutinik akiliivallaarsimasunut kingusinnerpaamik aggustip 31-ani akiliissasoq.

Aningaasalli tamarmik innuttaasunut tunniunneqassanngillat, pisortanut akiitsut matussuserniarlugit akiligassat ilanngaatigereerlugit, akiligassiissutigineqarlutik tiguneqarlutillu 60 millionit koruunit akilerneqassapput.

Akileraartarnermut Aqutsisoqarfiup innuttaasunut katillugit 223,2 million koruuninik akiliissaaq.

Aammali akileraartartut 3.398-it katillugit 1,5 milliard koruuninik akileraarutitigut akiliinikippallaarsimapput.

Akileraartarnermut Aqutsisoqarfik siullermeerluni aamma sulinermut ilanngaatinut naatsorsuutinik nassiussivoq. Tamatuma saniatigut akileraartartut ukiumoortumik soraarnerussutisiaqalernissamut pisussaaffilerneqarsimasut pillugit naatsorsuutini kiisalu aningaasat iluanaarutinut akileraarutinut naatsorsuutini pissarsiarisinnaavaat.

Akileraarutit sinneruttut naatsorsuinerillu assigiinngitsut pillugit Naalakkersuisut nittartagaani atuarsinnaavutit.