Augustine Møller, perorsaasoq.
Sooruna
inulerisutut ilinniagaq toqqarsimaviuk?
Augustine Møller, perorsaasoq.
Sooruna
inulerisutut ilinniagaq toqqarsimaviuk?
SAMMISAQ: ASSAAT KISSALAARTUT AMIGAATIGINEQARNERI
Kalaallit Nunaanni assaannik kissalaarunik amigaateqarneq, tamatumalu inuiaqatigiinnut sunniutai Sermitsiamiit allaaserisani nangeqattartuni sammivarput Perorsaasut ulluinnarni suliassaqarpallaartarnerat, sulisut ikippallaarnerat aningaasarsiakippallaarnerlu allaaserisani siullerni sammivarput.
- Meeqqanik
sullissineq nuannarisorujussuugakku. Aanakkunni perornikuugama,
qatannguterpassuaqaraluarlunga najornikuunnginnakkit, meeraqateqarusuttarnikuugama. Taamaammat meeqqat sammissallugit
nuannarisarakkit. Pisariaqartitsisut annerusumik samminikuuakka, soorlu
angajoqqaat meeqqalluunniit ikorfartorneqarnissaminnut immikkut
pisariaqartitsisut. Assersuutigalugu sumiginnakkat.
Ulluinnaat
suliffiusut qanoq misigisarpisigit?
- Meeqqap
pisariaqartitaa aalluttarparput. Meeraaqqaniippunga, taakkualu sullinnerani
soorunami pisariaqartitsisorujussuusarput annerusumik nerisinneqarnissaminnik, innartinneqarnissaminnik qanilaarneqarnissaminnillu. Anginerit allatut pisariaqartitaqartarput.
Kisimiittuulluni angummanneq ajulernartarpoq. Neriuppunga arlaatigut uittoqarumaartoq
- Augustine Møller, 2022-mi perorsaasutut naammassisoq
- Aamma meeqqamik immikkut pisariaqartitsisoqarpat takusinnaasarparput, soorlu ilaminiit kinguarsimaneruppat. Meeraq immaqa autismeqarpat imaluunniit ADHD-erpat. Diagnoseqartinneqarnissaat meeraaqqerivimmiit imaluunniit meeqqerivimmiit nalilersorneqatannginnamik, aatsaat meeqqat atuarfiannut pigaangata. Taanna tamaviaarsornarsinnaasarpoq, meeqqap immikkut pisariaqartitsisup aallunnissaanut, ikorfartorneqarnissaanut støtteqarnissaanut.
Sulisussaaleqinerup
ilinnut meeqqanullu sunniuteqarneranik ersersitsisumik ullormik
aaliangersimasumik oqaluttuarsinnaavit?
- Vuggestuemi
ineeqqami meeqqat 12-upput taava sulisut pingasuullutik. Qaqutigorujussuaq
amigartarpugut, qujanartumik. Massakkorpiaavik inimi sisamaasaqattaarpugut,
inuusuttuaraq peqatigalugu. Assorujussuaq iluarpoq. Amigarnerit aamma soorunami nalaattarpagut,
soorlu marluinnaalluni angummanniarneq ajornakusoortorujussuusinnaasarpoq.
Meerannguit pisariaqartitatik pinngikkaangatigit sumiginnaaneq pilersarpoq.
Naalliunnarsinnaasarpoq, assagut tamaasa atorniarsarisaqaagut.
Augustine Møller
Assi: Oscar Scott Carl
- Eqqartorneqartaraluarpoq inini sulisut sisamanngornissaat, soorlu napparsimasoqarpat taava amigarnata. Meeqqat ullormut pisariaqartitaasa tamakkiisumik tunniunneqartuartarnissaat pingaaruteqarpoq, meeqqammi siunissarigatsigit, ingerlatitseqqiisussaammata taakku. Perorsaasuulluni sillimaffigisassaqartarmat aamma ilungersunartorpassuaqartarpoq, soorlu meeqqap ineriartornera nalilersuutillu assigiinngitsut. Soorlu meeqqap mappia, nalilersueqqissaarfissat, tamakkua aamma suliarisinnaasaratsigit.
Atugassarititat
eqqarsaatigalugit aqagu allanngortitsisinnaasuugit suna
allanngortissagaluarpiuk?
- Aningaasarsiatta qaffannissaat ingerlaannaq
allanngortissagaluarpara. Savalimmiuni Danmarkimilu perorsaasoqatigut qiviassagaanni,
aningaasarsiatigut nikingasorujussuuvugut. Akisussaaffippassuarnimmi tunisittarpugut, akissarsiagullu tulluaratik.
- Soorlu kisimiittuuvunga, akissarsiakka naammanngimmata saniatigut
sulisarpunga nerisassaqarniassagatta. Qamuuna nukittuniarnartorujussuuvoq perorsaasuussagaanni, taamaammat ullutsinnut
nallersuunneqarsinnaanngillat atugassarititaasut perorsaasutut sulissagaanni.
Soorunami imaalitsiaannaq allannguisoqarsinnaanngilaq, kisianni atuarnitsinni
isumaqarluta akissarsiagut qaffattorujussuussasut, kisianni isumaginninnermik ikiortillu akissarsiagut annertunngitsumik nikingapput. Kisimiittuulluni angummanneq ajulernartarpoq. Neriuppunga
arlaatigut uittoqarumaartoq.
