Amerikamiut aallartitaat Nuummukaartut

USA-mi politikkerit aallartitaat Nuummiinnissamik weekendimi pilersaaruteqarput.

Folketingimut ilaasortaq Aaja Chemnitz (IA) Lisa Murkowskilu. Aaja Chemnitzip Lisa Murkowski Nuummut tikeraarumaartoq januaari naasoq oqaatigaa. Taamanikkut tikeraarnissaa kinguartinneqarpoq, Sermitsialli paasissutissani pissarsiarisaani weekenimi tikinnissaa sulissutigineqarpoq.

Assi: IA

Thomas Munk Veirum Thomas Munk Veirum Thomas Munk Veirum Tusagassiortoq

Saqqummersinneqarpoq 6. Februaari 2026 - 15:13

Annonse

USA-mi kongressimi politikkerit weekendimi Nuummiinnissartik pilersaarutigaat.

USA-p Nuummi sinniisoqarfia tusagassiuutitigut taama nalunaarpoq.

Tikeraarnissaq Naalakkersuisut qaaqqusinerisa kingorna pivoq, politikerillu pisortat timmisartuannik tikissasut sinniisoqarfik paasissutissiivoq.

Politikerit kikkut aallartitatut peqataanersut oqaatigineqanngilaq, Sermitsialli paasissutissaatai naapertorlugit USA-mi senatori Lisa Murkowski peqataasussat ilagissagaat naatsorsuutigineqarpoq.

Taanna aallartitat ilagalugit Danmarkimeeqqammerpoq, tassani Donald Trumpip naalakkersuisuisalu Kalaallit Nunaannik tiguaaniarusunnerisa kingunerisaanik pissutsit ilungersunartut oqaloqatigiissutiginiarlugit tikeraarluni.

Sinniisoqarfik naapertorlugu kongressimi ilaasortat Nuummiinnerminni atorfilittat, inatsisartuni ilaasortat, inuussutissarsiornermi siuttut allallu naapissavaat, tassani kalaallit naalakkersuisuisa innuttaasullu siunissaat paasilluarnerujumallugulu USA-mut attaveqarneq eqqartorumaarlugu.