Angerlarsimaffimmi eqqissiviilliorneq Sisimiunilu tillinniarneq

Juullimut ullualunni eqqissisimasoqareersoq politiit ulappuseqqipput.

Taama pigaartut pisortaat Aputsiaq Hansen oqaluttuarpoq.

Ilaatigut politiit Sisimiuni sisamanngornermi nal. 08.51 tillinniartoqarneranut atatillugu aggersarneqarput, tassani matut arlallit aserorlugit isertoqarsimavoq. Tillinniat angingaaserivissuaq ammarniarsarisimagaluarpaat, iluatsitsinatilli. Tassunga atatillugu ATV-t qamutillu motorillit allat tillinneqarput.

Tamatuma saniatigut angerlarsimaffinni eqqissiviilliornerit ulloq unnuarlu nalunaarusiamut nalunaarsorsimapput. Pigaartut pisortaata ilaatigut Narsami, Ilulissani, Sisimiuni Nuummilu pisut ikinnerpaamik tallimat taavai.

Pisut ilaanni angerlarsimaffinni ornitani meeraqarpoq, politiillu allatut ajornartumik inunnut isumaginninnikkut nalunaarusiorput.

- Oqaatigineqareersutut ullut siuliinit suliassaqarneruvoq, pigaartunut pisortaq oqaluttuarpoq.

Taassumalu sapaatip akunnerata naasussanngungajernera oqaatigaa, taamaalineranilu piffippassuarni fiistattoqartarpoq.

- Tassunga atatillugu imigassartortarnerup mianersuunneqarnissaa kaammattuutigineqarpoq. Nillertorujussuummallu ajutoortoqarsinnaavoq. Biilit angerlarsimaffimmut qimattarnissaat pitsaanerpaavoq, taamaalilluni imigassartorsimalluni biilertoqaqqunagu.

- Atagu ukiup naanera sapinngisamik pitsaanerpaatitsigu, Aputsiaq Hansen kaammattuivoq.