Angut hashimik 5,4 kiilunik kuffertiminiisitsisoq tigusarineqarpoq

Ilanngaaserisut Nuummi mittarfimmi hashi 5,4 kilo marlunngornermi nassaaraat.

Saqqummersinneqarpoq

Kalaallit Nunaanni Politiit Nuummi Mittarfimmi ilanngaaserisuniit marlunngornermi 13.12 nalunaarfigineqarput.

Ilanngaaserisut kuffertimi Danmarkimiit timmisartumik Nuummut angalasumi hashi 5,4 kilonik oqimaassusilik nassaaraat.

Kuffertip piginnittua tigummigallarneqartussatut maanna inissinneqartoq, pingasunngornermilu kingusinnerusukkut inatsisit tunngaviusut, naapertorlugit killisiorneqarnissani utaqqigaa, pigaartut pisortaat Aqqalu Petersen Sermitsiamut pingasunngornermi ullaap tungaani, oqarpoq.

Powered by Labrador CMS