Angut toqungasoq Nuussuarmi silami nassaarineqartoq

Politiip arfininngornermi ullup qeqqata kingorna Manguaqqami inissiarsuit aappaata tunuatungaani misissuipput. Tassani inuk toqungasoq nassaarineqarsimavoq.

Toqusoqarsimanera pasinartutut politiit nalilerpaat.

- Tassaarineqartoq angutaavoq 21-nik ukiulik. Toqusoqarsimanera pasinartutut nalilerneqarpoq, politiillu arlallit sumiiffimmiipput, politiit tusagassiorfinnut nalunaaruteqarlutik allapput.

Politiit arfininngornermi nal. 11.42 nalunaarfigineqarput nassaartoqarsimasoq.

Takunnissimasinnaasut saaffiginneqquneqarput

Kalaallit Nunaanni Politiit innuttaasut arfininngornermi 20. december nal. 05.00 aamma nal. 11.42 akornanni suliamut tunngatillugu tusaasaqarsimasinnaasut takusaqarsimasinnaasullu politiinut 70 14 48-mut sianeqquneqarput.

Suliamut tunngatillugu Kalaallit Nunaanni Politiit annertunerusumik maanna oqaaseqarsinnaanngillat. Toqusup ilaqutai kalerrinneqareersimapput.