Ulluinnarni naapittakkanni tamanna
malugisarneruleraluttuinnarpara.
Ilisarisimasat qaammatip tulliani akissarsinissap tungaanut atukkiussassanik atukkiisinnaanersunga qajassuullunga aperisarput. Nuuk Centerip Brugsenilluunniit saani inuit
ikiortissarsiortut amerliartuinnartut takusarpakka. Kalaallit Nunaata
aningaasaqarnerata tatisimaneqarnera uannut aningaasaqarnermut ilisimasalittut
kisitsisaannaanngilaq; tassaavoq inuunitsinni piviusoq.
Ulluinnarni naapittakkanni tamanna
malugisarneruleraluttuinnarpara.
Ilisarisimasat qaammatip tulliani akissarsinissap tungaanut atukkiussassanik atukkiisinnaanersunga qajassuullunga aperisarput. Nuuk Centerip Brugsenilluunniit saani inuit
ikiortissarsiortut amerliartuinnartut takusarpakka. Kalaallit Nunaata
aningaasaqarnerata tatisimaneqarnera uannut aningaasaqarnermut ilisimasalittut
kisitsisaannaanngilaq; tassaavoq inuunitsinni piviusoq.
Tamanna
angerlarsimaffitsinni, atuarfitsinni nutarterneqartariaqartuni ilaqutariinnilu
aningaasassaaleqisuni takuneqarsinnaavoq, aningaasallu qaammatip naaneranut
naammattarunnaarput.
Nerisassat, atisat
pisariaqartitallu allat akitsoriartuinnarnerinik akissarsiat malinnaasinnaajunnaaqqasut ulluinnarni takusarpakka. Isumaginninnermi ikiorsiissutit
naammangitsutut ipput, taamaattoq naammattusaagaagamik nungulertorput. Tamatuma uuma siuliani allaaserisanni eqqartukkannut uterteqqippaanga:
Naalagaaffimmit tapiissutit aaqqissuussaanerat inuit pisinnaatitaaffiinut akerliunerpa?
Aningaasaqarnermi periuseq Issittumi inuuniarnermi aningaasartuutivinnut
naleqqussagaanngitsoq atatiinnarutsigu inuit sanngiinnerusut sumiginnarlugillu inuunerup ataqqinartup tunngavia innarlerparput. Uuliasiornissaq ukiuni qulikkaani neriuutitut
salliutittuarparput. Kisianni aningaasaqarnermut ilisimasalittut
aperisariaqarpunga: Uulia kisiat aqqutigalugu aningaasaqarnikkut namminersulersinnaanerput piviusorsiorpa?
Issittumi uuliasiorneq akisoqaaq, nunarsuullu
sinnerata uuliamik atuiunnaariartuinnarnerat pissutigalugu niuerfiit orsussat ikummatissartallit atorunnaariartuinnarpaat. Uuliasiorneq namminersulernissamut
aqqutissatuaatikkutsigu, nunarsuarmi suliffeqarfissuarnit ungasissumiittunit
aalajangiiffigineqartarnissatsinnut pituttuleriissaagut, tamannalu
kiffaanngissuseqarnermik isumaqanngilaq.
Ukiut 73-it utaqqisarfimmi: Namminersornemrut inatsisip naggatissani tikippaa?
Folketingip ataani ukiut 73-it qaangiunneranni maannakkut Namminersorluni aaqqissuussaq
aqqutigalugu naligiinneq anguneqarsinnaanersoq aperissalluta piffissanngunnginnerpa? Ullumikkut pissutsit "tunniunneqarsimasumik" oqartussaaffeqarnermik tunngaveqarput; oqartussaaffinnik
tunineqarnikuuvugut, kisianni sinaakkutit uagut nammineq
aalajangeqataaffiginngisagut atorpagut.
Tamanna naligiinnerunngilaq.
Naligiinneq inuit qajassuunneqarnerannik pinngunngilaq, kisianni
pisinnaatitaaffit illuatungeriit isumaqatiginninnani
allanngortinneqarsinnaannginnerannik tunngaveqarpoq.
Tassami Namminersorluni Inatsit Folketingimi inatsisaavoq.
Kalaallit Nunaannut tunniunneqaqqagallarpoq.
Schweizimit USA-milluunniit isumassarsiorluta naligiilluni naalagaaffeqatigiinneq eqqarsaatigisariaqarparput. Naligiilluni naalagaaffeqatigiinneq oqartussaaffik "tunniunneqarsimasoq" pinnagu oqartussaaffiilli avinneqarsimanerinik isumaqarpoq.
Tassani Kalaallit Nunaat inatsisartutigoortumik naligiilluni, nammineq tunngaviusumik inatsiseqarluni, nunanullu
allanut sillimaniarnermullu politikimi sunniuteqarluarluni inissisimalissagaluarpoq.
Tassa tamanna
Namminersornermik inatsiseqarnerup naligiillunilu naalagaaffeqatigiinnerup assigiinngissutaat. Namminersornerup toqqissisimanartup naligiilluni naalagaafeqatigiinnermik taarsernissaanut, oqartussaaffiup avinneqarsimasup qulakkeerneqarsimallunilu inissisimalernissaanut piareersimavugut?
Inunnit sullissisunit inuit naalliuttut ullut tamaasa
takusarakkit oqaluttuallu tusartarakkit taamatut aperivunga. Qanoq iliornikkut
naalagaffeqatigiimmi naligiinneruneq angussagaluarparput? Kiap Gordiap qilertaa qilerussaarsinnaavaa?
