KL

DK

Aqutsisoqarfik: Russit qarasaasiakkut saassusseratarsinnaanerat aarlerinarnerulerpoq

Aqutsisoqarfiup inuiaqatigiinni pingaarutilinnik suliaqartunut, internetikkut isumannaatsuunissaq eqqumaffigeqqullugu, tamanut kajumissaarutigaa.

Ruslandip naalagaaffiata qarasaasiatigut saassussisartuisa, inuinnarnit namminneq kajumissutsiminnik qarasaasiatigut saassussisartuniit, aarlerinaataat allaanerulluinnartoq Inuiaqatigiit Isumannaatsuunissaannut Aqutsisoqarfiup nalunaarutigaa.
Ritzaus Bureau Ritzaus Bureau Ritzaus Bureau
Saqqummersinneqarpoq

Ruslandip naalagaaffiata qarasaasiatigut saassussisartuutitaassa Danmarkimut saassusseratarsinnaanerat aarlerinaateqarnerulerpoq.

Isumannaatsuunissaannut Aqutsisoqarfik tusagassiuutitigut nalunaarpoq.

Taakku inuiaqatigiinni pingaarutilinnik suliaqartut internetikkut isumannaallisaaneq pingaartinneruleqqullugit tamaasa kajumissaarpaat.

Naak russit naalagaaffiannit qarasaasiatigut saassussinissamik aarlerinartorsiortoqaraluartoq, qarasaasianut tunngasunik saassussinissamut aarlerinartoqarpallaanngitsoq oqartussaasut oqarput.

- Danmarkimi inuiaqatigiinni suliassanut pingaaruteqartunut Ruslandip naalagaaffiata qarasaasiatigut saassunneqariarsinnaanera maanna annerulersimavoq, naliliineq taama nipeqarpoq.

Inuiaqatigiit Isumannaatsuunissaannut Aqutsisoqarfimmiit Illersornissaqarfiup (PET) Politiillu (FE) immikkut paasiniaasartui qanimut suleqatigineqartut aamma paasissutissiissutigineqarpoq.

Aammattaaq "navianartorsiornerulerneq" pillugu "oqartussaasut attuumassuteqartut" oqaloqarput.

- Ajortumeerneqarusuppugut, ajornerpaamillu pisoqarpat inuiaqatigiinni suliassat pingaarutillit soorlu innaallagissamik, imermik internettimillu pilersuineq akornuserneqarsinnaavoq, Danmarkimi Inuiaqatigiit Isumannaatsuunissaat pillugu Aqutsisoqarfimmi pisortap tullia Christine Engel Christensen oqarpoq.

Ruslandimi hackerit naalagaaffimmut atassuteqartut Europami Nato-mut ilaasortaasunut internetikkut saassussinissamut piareersimanerulersimasut, aqutsisoqarfimmiit nalilerneqarpoq.

Aarlerinartoqalerneq Ruslandip naalagaaffiata qarasaasiatigut saassussisartuiniit sioorasaarutigineruai.

Ruslandip naalagaaffiata qarasaasiatigut saassussisartuisa, inuinnarnit namminneq kajumissutsiminnik qarasaasiatigut saassussisartuniit, aarlerinaataat allaanerulluinnartoq aamma nalunaarutigineqarpoq.

Naalagaaffiup qarasaasiatigut saassussisartui atortorissaarutinut pingaarutilinnut ataqatigiissaarisumik aalajangersimasumillu saassussisinnaanerat tamatumunnga pissutaasoq, aqutsisoqarfik allappoq.

danmarki internetikkut isumannaallisaaneq ruslandi isumannaatsuunissaannut aqutsisoqarfik qarasaasiatigut saassussineq inuiaqatigiit

Atorfiit tamaasa takukkit

PODCASTI

Powered by Labrador CMS