KL

DK

Assit takukkit: Kalaallit Nunaata, Danmarkip USA-llu akornanni isumaqatigiissutip pingaarutillip oqaluttuarisaanermi ulluni pingaaruteqartuni, kalaallit aallartitaat qanimut malinnaaffigikkit

Kalaallit Nunaata oqaluttuarisaanerani ulloq immikkuullarissutut allanngujaatsutut 2026- septembarip 22-at eqqaamaneqassaaq. Eqqissiviilliornerit ukiuni kingullerni qaangiuttut, Naalakkersuisut siulittaasuata Jens-Frederik Nielsenip, ministeriunerup Mette Frederiksenip USA-llu præsidentiata Donald Trumpip isumaqatigiissut atsioqatigiissutigivaat. Sermitsiap kalaallit aallartitaat ulluni taakkunani malinnaaffigai. Assit takukkit uani.

Jens-Frederik Nielsen atsioqatigiinnissamut ullaakkut piareersarluni, iniminut iserniarluni anersaaruluppoq.
Oscar Scott Carl
Oscar Scott Carl Assiliisoq videoliortorlu
Saqqummersinneqarpoq
Naalakkersuisut siulittaasuat Jens-Frederik Nielsen, naalakkersuisut siulittaasuata naalakkersuisoqarfiani pisortaq Hans-Peter Barlach, nunanut allanut tunngasunut naalakkersuisoq Múte B. Egede aamma naalakkersuisoqarfimmi tassani pisortaq timmisartumut New Yorkiliartussamut ikipput ullunilu tulliuttuni pisussanik, annikitsualuttortalinnik eqqartueqatigiillutik.
USA-p nunanut allanut ministeria Marco Rubio aamma Múte B. Egede akileriillutik issiapput, Issittumi naalagaaffiit politikkikkut atsiornissaq aqaguttoq ataatsimeersuarneranni.
Isumaqatigiissutip atsiornissaa sioqqullugu ataatsimiinnerit kingulliit naammassineqareersullu aallartitat akunnittarfimmut uterniarlutik ingerlapput. Naalakkersuisut siulittaasuat Jens-Frederik Nielsen isini tagiartorpai.
Kalaallit qallunaallu atorfilittat naalakkersuisutik utaqqivaat.
Suut tamarmik eqqortumik inissisimanerat qulakkeerniarlugu, isumaqatigiissutissaq naggammik atuaqqissaarneqarpoq. Suna tamarmi inissamineeqqissaartariaqarpoq.
Jens-Frederik Nielsen New Yorkiliartinnani Nuummi mittarfimmi imminut tarrarsorfigeqqaarpoq.
Kalaallit qallunaallu aallartitaat Múte B. Egedemit, Mette Frederiksenimit aamma Jens-Frederik Nielsenimit siulersorneqarlutik FN-ip allaffeqarfiata tungaanut ingerlaartut atsioqatigiinnermi isumaqatigiissut atsiorniarlugu.
Naalakkersuisoqarfimmi pisortap Mininnguaq Kleistip videoliaq nunanut allanut tunngasunut naalakkersuisumut Múte B. Egedemut (talerperleq) aallartitaqarfiullu pisortaanut Jacob Isbosethsenimut arlaleriarlutik ataatsimeereerlutik biilinik akunnittarfimmut uternerminni takutippaa. Mininnguaq Kleist aamma Jacob Isbosethsen Kalaallit Nunaat sinnerlugu isumaqatiginninniartuupput, taakkulu Kalaallit Nunaata, Danmarkip USA-llu akornanni isumaqatigiissuteqarnissami aalajangiisuulluinnarput.
Jens-Frederik Nielsenip, Danmarkip FN-imi aallartitaqarfiani New Yorkimiittup, isumaqatigiissutip atsiornissaa ullunik marlunnik sioqqullugu. Kalaallit qallunaallu aallartitaat ulluni atsiornernut piareersaatitut utaqqipput. Maanna isumaqatigiissut naammassineqassaaq.
Kalaallit Nunaata Danmarkillu naalakkersuisuisa taakkualu qullersaasa inaarutaasumik ataatsimiinnerat.
Jens-Frederik Nielsen New Yorkimi Ground Zeromi.
Isumaqatigiissut atsiorneqarpoq. Jens-Frederik Nielsen Donald Trumpilu assammittut Mette Frederiksenip isiginnaarpai. FN-ip allaffeqarfiani atsioqatigiinneq ingerlanneqarpoq, siuttut pingasut isumaqatigiissut qulingiluanngorlugu atsiorpaat. Isumaqatigiissummut peqataasut tamarmik oqaatsitik atorpaat.
Isumaqatigiissutip atsiorneqarnerata kingorna kalaallit aallartitaat, tassa naalakkersuisoqarfimmi pisortaq Hans-Peter Barlach aamma allatsi Kuka Lyberth, oqiliallassimaartut.
Naalakkersuisut siulittaasuat ministeriunerlu Mette Frederiksen isumaqatigiissutip atsiorneqarnerata kingorna FN-imi qallunaanut kalaallinullu tusagassiortunut katersortitsipput.
Jens-Frederik Nielsen aamma Mette Frederiksen atsioqatigiinnerup kingorna eqqissiallassimallutik, FN-ip Danmarkimi aallartitaqarfianut majuartaasiamut ikisimapput.
Nunanut allanut tunngasunut naalakkersuisoqarfik qaammatini kingullerni arlalinni Danmark, USA-lu isumaqatigiissuteqarfiginiarlugit ilungersorluni sulisimavoq. Jens-Frederik Nielsenip atorfilittat suliaat pillugit nersualaarmagit nunanut allanut tunngasunut naalakkersuisoqarfimmi siunnersortaaneq Allan Peter Olsen qullilivoq.
Jens-Frederik Nielsenip kamini kusanartut arpaatinik taarserpai aallartitat isumaqatigiissut nalliussiniarlugu katersuummata.
Múte B. Egede aamma Jens-Frederik Nielsen eqitaartut
Isumaqatigiissut atsiorneqarnerata kingorna kalaallit, danskillu aallartitaat immiaaqqamik qatseripput.
inuiaqatigiit

Atorfiit tamaasa takukkit

PODCASTI

Powered by Labrador CMS