Avaaraq Olsenip atuarfiit, takornariaqarneq ineriartornerlu sammigai

Ukioq 2025 qaangiuppoq, ukiortaamilu oqalugiaatit aamma tullinnguullutik. Taakkununnga ilaassallutik borgmesterit oqalugiaataat.

Kommuneqarfik Sermersuumi apriilip aallaqqaataanni qinersisoqarnerani Avaaraq Olsen borgmesteritut ingerlaqqippoq, taamaattumillu sisamassaannik ukiortaami oqalugiarluni.

Oqalugiaammini assigiinngitsunik sammisaqarpoq, ilaatigut atuarfinni oquk, Nuummut nuuttoqartarnera takornariaqarnerlu sammillugit.

2025-mi qinersineq kommunalbestyrelsimullu ilaasortanngortut sammillugit, oqalugiaatini aallartippaa.

- Nutaanik nukippassuarnik qinigaaffeqarpugut, kommunitulli akisussaaffivut unammilligassavullu suli assigiilluinnarput. Kommunalbestyrelsimi ilaasortat misilittagartuut nutaallu maanna suleqatigiilerput ataatsimoorussamik anguniagaqarluni kommuni tamakkerlugu ineriartortitsinissaq, illoqarfinnut tamanut periusissiaq – illoqarfiit pingaarnersaannut taamaallaat pinnani – innuttaasunut inuuniarnikkut atugassarititaasut pitsaasut aamma aningaasaqarneq patajaatsoq piujuartitsisorlu, Avaaraq Olsen oqarpoq.

- Nukissaqarluartunik nutaanik qinigaasoqarpoq, kommunitulli akisussaaffivut unammilligassavullu suli taakkuullutik. Kommunalbestyrelsimi ilaasortat misilittagartuut nutaallu maanna suleqatigiilerput ataatsimoorussamik anguniagaqarluni kommuni tamakkerlugu ineriartortitsinissaq, illoqarfinnut tamanut periusissianik – illoqarfiit pingaarnersaannut taamaallaat tunnganngitsunik – innuttaasunut inuuniarnikkut atugassarititaasut pitsaasut aamma aningaasaqarneq patajaatsoq piujuartitsisorlu qitiutillugit, Avaaraq Olsen oqarpoq.

Taassuma erseqqissarpaa, najukkani periusissianik innuttaasunik qanimut oqaloqateqarnikkut suliaqartoqartariaqartoq, taakkualu kommunip sulineranut pingaarnersiuineranilu tunngaviusariaqartut.

Avaaraq Olsen Kommuneqarfik Sermersuumi illoqarfinnut tamanut 2025-mi angalavoq innuttaasunillu naapitsilluni, ilaatigut Ittoqqortoormiit ukiunik 100-nngortorsiorneranni nalliuttorsioqataalluni.

Aqutsinermik siammaaneq oqullu

Kommunalbestyrelsip 2026-mut aningaasanut missingersuutit decembarimi akuersissutigai.

Avaaraq Olsenip oqaatigisai naapertorlugit, missingersuummi ersersinneqarpoq akisussaaffiit siammarterneqarnissaat innuttaasunillu sullissinerup nukittorsarneqarnissaa kissaatigineqartut.

- Innuttaasut tamarmik – kommunimi sumi najugaqarneq apeqqutaatinnagu – pitsaasumik ataqatigiissumillu kiffartuunneqarnissaat anguniagaavoq, oqarpoq.

Kommunili ilungersunartunik aamma suliassaqarpoq, ilaatigut inissaaleqineq suli ilungersunartuummat.

- Ineqarnermut pilersaarummik ukiunut tulliuttunut qulinut atuuttussamik suliaqassaagut, tassunga ilaassallutik illoqarfinni nunaqarfinnilu nutaanik sanaartornerit nutarterinerillu.

Taassuma saniatigut atuarfiit aamma iliuuseqarfigineqartussaapput. 2025-mi Nuummi meeqqat atuarfii marluk oqoqarneri pissutigalugit matuneqarput – illoqarfiulli qeqqaniittoq atuarfittaassaq Atuarfik Inussuk suli atorneqalernani.

- Kommunitsinni atuarfiit illutaasa assigiinngitsutigut oqummik eqqugaanerat atuartunut, ilaqutariinnut, ilinniartitsisunullu assigiinngitsutigut aamma eqquivoq. Sapinngisarpulli tamaat naapertorlugu atuartut ilikkagassaminnik eqqugaanatik atuartinneqaannarnissaat sulissutigaarput, tamatumunngalu atatillugu ilinniartitsisunut angajoqqaanullu paasinnillutik suleqataanerannut qujarusuppunga, Avaaraq Olsen oqarpoq.

Takornariartitsineq ineriartortinneqassaaq

Ineqarnermut atuarfinnullu tunngatillugu unammillernartoqaraluartoq, borgmesterip kommunip meeqqanut, ilaqutariinnut utoqqarnullu najugaqarfigiuminartuunissaa pingaartippaa.

- Ilaqutariit meerartallit utoqqaallu Nuummut nutserartorpassuit takusinnaavavut, tamannalu unammilligassanik nutaanik pilersitsilluni. Tamanna isiginiarlugu tamakkiisumik isiginnilluni kivitsinissaq siunissamullu ineriartortitsinissamik qulakkeerinninnissaq sulissutigaarput, Avaaraq Olsen oqarpoq.

Aamma inuussutissarsiornermut politiki nutaaq aallarnisaasunut, illoqarfimmi suliffeqarfinnut kommunillu siuariartorneranut tamakkiisumik tapersersuisoq ineriartortinneqassaaq.

Aammattaaq borgmesterip kissaatigaa takornariaqarneq innuttaasunit pisariaqartitanit aallaaveqartillugu ineriartortinneqassasoq. Nuummi mittarfik nutaaq takornarianik amerlanerusunik nutaanik assigiinngitsunillu tikisitsisalereerpoq, tamannalu periarfissanik nutaanik pilersitsilluni, borgmesteri oqarpoq.

Pinngortitalli illersorneqarnissaa pingaaruteqarpoq. Taamaattumik kommunalbestyrelsi sumiiffinni takornariarfiusinnaasut killilerneqarnissaannik aalajangiussaqarsimavoq, taamaalilluni takornariaqarneq akisussaassuseqarluni ineriartortinneqarsinnaaqqullugu pinngortitarlu inuiaqatigiillu artukkerneqannginniassammata. Orninneqarsinnaasut tamakku erseqqissumik nalunaarsorneqassapput.

Taamaattumik inuttut ataasiakkaatut innuttaaqatigiinnilu allannguisinnaanerput upperisariaqarparput. Taamaalilluta imminut kinguaariinnilu tulliuttuni ajunngitsumik allannguisinnaavugut, borgmesteri naggasiivoq.

- Inuttut nutaanik siunnerfeqalernerit alloriaqqinnerillu inuiaqatigiinnut tamanut sunniuteqartarput. Taamaammat inuttut ataasiakkaatut, allatut iliuuseqarsinnaanerput kommunitsinni inuiaqatigiinnilu nammineerluta sunniisinnaassuseqarnerput upperisariaqarpavut. Taamaalilluta immitsinnut kinguaariinnullu tulliuttunut pitsaasunik allanngueqataasinnaaniassagatta, borgmesteri naggasiivoq.

Ukiortaaq eqqissinartumik, peqqinnermik ineriartornermillu malitseqassasoq kissaassivoq.