Biilertup mianersuaalliortup imigassartorsimanermut uuttuummi 2 qaangeraa

Politiit mianersuaalliorluni biilertoqartoq sisamanngornermi unnukkut arfineq-pingasunut nalunaarfigineqarput.

Politiit ornigullutik biilit Nuummi pineqaatissinneqarsimasunut inissiisarfiup qanitaaniittut unitsippaat, pigaartut pisortaat Karsten Højrup Kristensen oqarpoq.

Mianersuaalliorluni biilertoqarnera pissutissaqarluartoq paasineqarpoq.

Angut biilertoq aalakoornartutorsimanermut uuttuummut suputinneqarmat 2 promille sinnerlugu aalakoornartutorsimanera paasineqarpoq, imigassartorsimatillunilu biilersinnaanermut killigititaq tassaavoq 0,5 promille.

Politiit taassuma aava aalakoornartumik qanoq annertutigisumik akoqavinnersoq paasiniarlugu aaversinnerata inernera maanna utaqqivaat.