KL

DK

Blok 5-imi suliamut atatillugu angummut allamut unnerluussineq atorunnaarsinneqartoq

Angut 42-nik ukiulik Blok 5-imi toqutsisimasutut eqqartuussivimmit pineqaatissinneqarpoq, unnerluussisullu angummut inuusunnerusumut allamut unnerluussinertik taamaatippaat. Nunatta Eqqartuussiviani suliareqqitassanngortitsinerup nalaani paasinarsivoq.

Morten Okkels Morten Okkels Tusagassiortoq
Saqqummersinneqarpoq

Angut 42-nik ukiulik toqutsisimasutut apriilimi Eqqartuussiveqarfik Sermersuumiit pineqaatissinneqartoq pillugu, Nunatta Eqqartuussisuuneqarfiani Blok 5-imi suliamut tunngasoq maanna suliareqqinneqarpoq.

Angut inuusuttoq alla 26-vanik ukiulik taamanikkut aamma unnerluutigineqarpoq. Taanna Nuummi oktoberip aallartinnerani, angummut inuusuttumut quimi toqutaasumut ikinngutaavoq.

Angut 42-nik ukiulik toqutsisimasutut apriilimi Eqqartuussiveqarfik Sermersuumiit pineqaatissinneqartoq pillugu, Nunatta Eqqartuussisuuneqarfiani Blok 5-imi suliamut tunngasoq maanna suliareqqinneqarpoq.

Angut inuusuttoq alla 26-vanik ukiulik taamanikkut aamma unnerluutigineqarpoq. Taanna Nuummi oktoberip aallartinnerani, angummut inuusuttumut quimi toqutaasumut ikinngutaavoq.

Angut 26-nik ukiulik unnerluutigineqartoq takunnissimasutut taamanikkut sassartinneqanngilaq, eqqartuussiviulli suliamik misissuinerani arlaleriarluni eqqaaneqarluni.

Eqqartuussivimmit paasineqarpoq unnerluussisussaatitaasup pinerlunnermut peqataasutut pineqaatissinneqarnissaa maanna sulissutiginngikkaa. Tassungalu unnerluussut atorunnaarsinneqarpoq.

Taamaattumik 26-nik ukiulik takunnissimasutut eqqartuussivimmut aggersarneqarpoq, pilersaarutigineqarporlu marlunngornermi ualikkut takkutissasoq. Taamaasiorsimanngilarli.

Nunap immikkoortuani eqqartuussinerup kingorna takunnissimasut nutaat marluk

Takunnittoq politiinit kingusinnerusukkut nassaarineqarpoq, Nunattalu Eqqartuussisuuneqarfiani sassartinneqarluni, tassanilu ikinngummi toqutaannginnerani naggammik qanoq peqatigisimanerlugu marlunngornermi ullaakkut oqaluttuarpoq. Ilimagineqarpoq toqutaasup toqutaannginnerani taanna taanna kingulliulluni takunnittuusimasoq.

26-nik ukiulik taanna Nunatta Eqqartuussisuuneqarfiani suliami takunnissimasut nutaat marluk ilagaat. Takunnissimasut nutaat aappaa tassaavoq daktyloskopimik taaneqartartoq, tassa inussat nuuisa ipaannik misissuisartoq.

Inussat nuuisa ipaa aammik tagiunneqarsimasoq, suliami matumani pingaaruteqarluinnarpoq, angutip 42-nik ukiullip toqutsinerup kingorna Blok 5-ip quiani isersimaneranut takussutissiinera pissutigalu.

Eqqartuussineq ulluni sisamani ingerlanneqassaaq pingasunngornermili aalajagiisoqarsinnaavoq ulloq kingulleq sillimmasiunneqarsimammat.

Pisartagaqarneq

Allaaserisaq tamaat atuarniarukku atuisunngortariaqarputit! Iserit!

Sermitsiaq.gl – Nittartagaq

  • Sermitsiaq.gl-imi allaaserisat tamakkiisumik atuarsinnaalissavatit
  • Qaammammut kr. 59.00
  • Ukiumut kr. 650.00
ATUISUNNGORIT

Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.

blok 5 takunnittoq unnerluussineq nunatta eqqartuussisuuneqarfia toqutsineq inuiaqatigiit

Atorfiit tamaasa takukkit

PODCASTI

Powered by Labrador CMS