Borgmesterip narsarsuarmut naalakkersuisunut saaffiginnissutaa

Naalakkersuisut aallartittariaqarput, narsarsuarmi sullissinermut isumaqatigiissutit peqqinnissaqarfiullu pillugit pissutsit aaqqiivillugit, taama oqarpoq borgmesteri kommune kujallermi.

- Sivisuumik nalunngikkutsigu kommunip akisussaaffigisaanit avataani pissutsit qanoq isumagineqassanersut, nammineq iliuutsivut nangissinnaanngilagut. Taamaattumik Aqqaluaq B. Egede (IA) Naalakkersuisoq akisussaaffigisamini sulinissaminut aallartissasoq kaammattorusuppara, taamaalilluni Narsarsuup siunissaa innuttaasunut qulakkeerneqarsinnaaqqullugu utaqqipput, oqarpoq Malene Vahl Rasmussen (D), Kommune Kujallermi borgmesteri.

Foto: Kommune Kujalleq

Thomas Munk Veirum Thomas Munk Veirum Thomas Munk Veirum Tusagassiortoq

Saqqummersinneqarpoq 14. martsi 2026 - 13:21

Annonse

Narsarsuaq allanngornerujussuarmik nalaataqartussanngorpoq, Qaqortumilu mittarfissap nutaap ammarneqarneranut atatillugu nunaqarfiup mittarfia piffissami aggersumi qulimiguulimmut mittarfinngortinneqassaaq.

Kommune Kujallermi borgmesteri Malene Vahl Rasmussen (D) kommunip sussassaqarfiisa avaataani suliassat ingerlariaqqinnissaannut Naalakkersuisunut kaammattuilluni oqarpoq:

- Mittarfik matuppat Greenland Airports-ip heliporti kisiat nakkutigilissaavaa, akunnittarfik iperarneqartussaavoq sulilu ilisimaneqanngilaq sumut atorneqalernissaa, borgmesteri tusagassiutitigut nalunaarummi oqarpoq nangillunilu:

- Maannakkullu ineqarnermut tunngasut, kiffartuussinermut isumaqatigiissutinut tunngasut, napparsimaveqarnermut tunngasut, pisortallu suliffeqarfiutaat pilersuisussaatitaasut allat pillugit qanoq sulisoqarnissaanik pilersaarusiortoqassappat massakkuuvoq Naalakkersuisup suligasuarnissaa. Innuttaasut ilaqutaarillu inuunerat pineqarpoq.

Nukingisaarisoq

Borgmesteri naapertorlugu Ukioq nutaaq aallarnerfigalugu Kommune Kujallermiit sillimaniarneq, aqqusinilerinerit, aputaajaanerit aammalu kloakkilerinerit kommunip susassaqarfittut akisussaaffigilerpai. Meeqqeriveqarneq atuarfeqarnerlu atuisut qanoq amerlatigineri aallaavigalugit aasaru aalajangiiffigineqarumaarput:

- Kommunimiit susassaqarfitta avataani inissisimasut qanoq ingerlariaqqinissaat ilisimanngikkutsigit suliniaqqinnissatsinnut ingerlariaqqissinnaanngilagut. Taamaattumik Narsarsuup siunissaa qulakkeerniarlugu suligasuarnissamut piffissaq massakkuummat Naalakkersuisup Aqqaluaq B. Egedep susassaqarfimmini sulilluni aallartinnissaanut sakkortuumik piumaffigerusuppara, innuttasummi utaqqipput, Malene Vahl Rasmussen oqarpoq.

Sermitsiaq naalakkersuisoq isornartorsiorneqarnini pillugu oqaaseqartikkumallugu sulissuteqarpoq.