KL

DK

Danmarkimi kalaallinut tusagassiorfik nutaaq tapiiffigineqarpoq

Peqatigiiffik Tusarfik Danmarkimi kalaallinut 2026-mi nutaarsiassiisalissaaq, siunertamullu tassunga 2,4 millionit koruunit missaannik tapiisoqarpoq.

- Aap, Danmarkimi nunasiniarluta aalajangersimavarput, kisianni qanorluunniit ilioraluarutta kalaaliujuassaagut, Tusarfillu tusarliivigissavarput, Paornánguak Kleist oqarpoq.
Thomas Munk Veirum
Thomas Munk Veirum Tusagassiortoq
Saqqummersinneqarpoq

Danmarkimi tusagassiuutinut ataatsimiititaliap kalaallit danmarkimiittut tusagassiorfimmik pilersitsinissaannut 2,4 millionit koruuninik aningaasaliinissaq akueraa.

Peqatigiiffik Tusarfik tusagassiorfimmik pilersitsinissamut pilersaarusiortuuvoq, peqatigiiffillu kalaallit danmarkimi inuunerannik ulluinnarni sunniuteqartut pillugit tusagassiisassaaq:

- Kalaallit 18.000-it missaanniittut Danmarkimi najugaqarput. Uatsinnut paasissutissat nutaarsiassallu sapinngisamik amerlanerpaanut apuussinnaanissaat aatsaat taamak pisariaqartigilerpoq, tusagassiortoq namminersorlunilu inuussutissarsiuteqartoq Paornánguak Kleist oqarpoq.

Paornánguak Kleistip tusagassiorfimmik Tusarfimmik pilersitsinermut aallarnisaasoq atuakkiortorlu John Præstegaard suleqatigaa.

Paornánguak Kleist ukiuni arlalinni arnanut atuagassiami Arnanumi, Sermitsiamit saqqummersinneqartartumi, aaqqissuisuuvoq.

paornánguak kleist john præstegaard inuiaqatigiit danmark tusarfik kalaallit danmarkimi

Atorfiit tamaasa takukkit

PODCASTI

Powered by Labrador CMS