Digitalimik siuarsaanermut ministerip inuup normuisa nalunaarsorsimaffiata siunissaa pillugu piffissami qaninnermi nutaarsiassaqartitsissaaq

Digitalimik ineriartortitsinermut ministeri Christina Egelund (M) nalunaarpoq inuup normuisa nalunaarsorsimaffiat qanoq isumannaatsigineranik misissuineq, ministerip aallartitaa, nutaanik piffissami qaninnermi paasissutissiissutigineqarumaartoq.

- Neriuppunga inuup normuisa nalunaarsorsimaffiata siunissaa qanoq, ikkumaarnersoq pillugu erseqqissumik piffissami qaninnermi oqaaseqarsinnaassallunga, ministeri Ritzaumut oqarpoq.

Ministeri ataasinngornermi nalunaarpoq, danskit inuusut toqusimasullu 8,8 millionit inuttut normui ulluni qulini inunnit susassaqanngitsunit iserfigineqarsinnaasimasut.

Isumannaallisaanermi ajutoortoqarnera pissutigalugu apeqquserneqarpoq, innuttaasut nutaamik inuup normoqalissanersut imaluunniit inuup normuanik nalunaarsorsimaffik tamaat allanngortinneqassanersoq.

Christina Egelundip siusinnerusukkut oqaatigaa, nutaamik inuup normuanik pilersitsisoqassanersoq oqaatigissallugu suli siusippallaartoq.

Taamaattumik erseqqissarpaa misissuinerup kingorna paasinarsissasoq, aaqqissuussineq pitsaanerusumik siunissami isumannaarneqarsinnaanersoq, pisup aaqqissuussinermik annertunerusumik eqqarsaatiginneqqissaarnissamut pissutissaqarneranik aalajangiinnginnermi.

RITZAU