DMI Issittumi ilisimatusarnermut nunanit tamalaanit suleqatigiissutigineqartumut ilannguttoq

DMI University of the Arctic-imut, nunat tamalaat akornanni ilisimatusarneq ilinniartitaanerlu pillugit attaveqaqatigiittarfimmut Issittumeersunik avannarpasinnerusumiittunillu suleqateqartumut, qanittukkut ilaasortanngorpoq.

Ilaasortat suleqatigiillutik avannaani ilisimatusarneq ilinniartitsinerlu nukittorsarniarlugulu nunani avannarlerni inuiaqatigiit soqutigisaat nunani tamalaani sinniisoraat DMI nittartakkamini allappoq.

Ilaasortanngorneq DMI-mut ukiuni arlalinni issittumi ilisimatusarnermik suliaqarsimanerata akuerineqarneratut ippoq:

- Issittumi ilisimatusarneq DMI-p pingaarnertut suliaraa. Silamik ilisimatusarnermi silallu pissusianik ilisimatuussutsimi, ilaatigut silaannaap, immap sikullu allanngorarnerinik, ilisimasaqarluarpugut, Ulrik Korsholm oqarpoq, taannalu DMI-mi ilisimatuunut siuttuullunilu pisortaanerup tulliuvoq.

Issittumi ilisimasat ukiuni qulikkuutaani misissuinermik tunngaveqartut, aamma DMI silasiornermi – aamma Kalaallit Nunaanni – oqartussaasutut Issittumi sila, silaannaq, imaq sikulu pillugit aaqqissuussaasumik uuttortaasimammat, maannalu ilisimasat misilittakkallu University of Arctic-imut tunniukkumaneqartut DMI oqaluttuarpoq.