Drew Horn soqutigisaqaqatigiinnermut tunngatillugu suliami isumaqatigiissuteqartoq

Niuertoq Drew Horn tusagassiorfik Berlingske naapertorlugu soqutigisat akerleriissutaannut tunngatillugu USA-p naalagaaffianut 380.000 koruuninik akiliisimavoq. Eqqunngitsumik pasilliinerusut Drew Horn Berlingskemut oqarpoq.

Drew Horn Torontomi PDAC-imi ataatsimeersuarnermut peqataavoq, tassanilu siunissami qanittumi Kalaallit Nunaannut uterniarluni neriuutigalugu Sermitsiamut oqaluttuarpoq. Drew Horn USA-p inatsisinik atortitsinermut ministereqarfianit soqutigisaqaqatigiinnermut unnerluutigineqareerluni isumaqatiginninniarnermi 59.000 dollarinik akiliisimasoq Berlingske ataasinngornermi allappoq.

Assi: Trine Juncher Jørgensen

Thomas Munk Veirum Thomas Munk Veirum Thomas Munk Veirum Tusagassiortoq

Saqqummersinneqarpoq 30. martsi 2026 - 10:22

Annonse

Amerikamiu niuertoq Drew Horn Kalaallit Nunaanni suliniutini arlalinni, ilaatigut Kangerlussuarmi qarasaasianik atortorissaarutinik atortulersuinermik erngup nukinganik nukissiorfiliornissamik pilersaaruteqarluni peqataavoq.

Drew Hornip pilersaarutai, ilaatigut Donald Trumpip præsidentiunerani siullermi USA-p nukissiornermut naalakkersuisoqarfiani siunnersortaasimanera pissutigalugu, soqutigineqarluarput.

Drew Hornip pisortani atorfini namminersorlunilu niuernermi soqutigisani akuleriissillugit atorsimanerarlugit inatsisitigut isumaqatiginninniarnermigut 59.000 dollarinik, tassa danskit aningaasanngorlugit 380.000 koruuninik, akiliisimasoq danskit tusagassiorfiat Berlingske ataasinngornermi allappoq.

Isumaqatigiissut USA-mi inatsisinik atortitsinermut ministereqarfiup juulimi 2025-mi tusagassiuutinut nalunaarummi siornatigut tusagassiuutini saqqummiunneqarsimanngitsumi eqqaavaa.

Horn: Unammillertit eqqunngitsumik unnerluutiginnipput

Horn suliamik aalajangersimasumik ingerlatsiviup namminersortup aningaasaqarnikkut soqutigisaanik sunniuteqartumik 2021-mi januaarimi suliaqarsimasoq, tamatumalu saniatigut naalagaaffimmut tunngasuni soraarninngortussaaguni siunnersortitut akissarsiaqartutut sulilernissaminut isumaqatigiissuteqarnissaminik isumaqatigiinniartoq Inatsisinik atortitsinermut ministereqarfik allappoq.

ATUARUK AAMMA

Tanbreez-ip Drew Hornimik suleqateqarumannginnera nalunaarutigaa

Drew Hornip akiligassineqarnissani akuerigaa isumaqatigiissutip ilaanut ilaavoq, tamannali pisuussutiginngisaannaraa, Drew Hornittaarlu akisussaaffimmik tigusisimanngitsoq erseqqissarneqarpoq.

Drew Hornip pisuutinneqarani isumaqatigiissuteqarsimalluni Berlingskemut oqaatigaa:

- Unammillertima soqutigisat akerleriissutaannut tunngatillugu maleruagassat unioqqutinnerarlugit eqqunngitsumik unnerluutiginiaraluaraannga Isumaqarpunga, Drew Horn Berlingskemut oqarpoq.