Eqqaamallugu skattekortit 2026-moortoq sulisitsisuit tigusimaneraa qulakkiissagakku
Arlalinnik innuttaasunut 2026-mi akileraarutinut tunngatillugu maluginiagassaqarpoq. Akileraarnermut allagartat (skattekortit) nutaat ukiup naannginnerani suliffimmut tunniunneqassapput. Soraarnerussutisiassanut pisussaaffiliilluni aaqqissuussineq ingerlaannassaaq, skattekorti aqqutigalugu ileqqaartitsisoqassanngikkaluarpalluunniit. Aningaasaqarnikkut allanngortoqassappat, kiisalu ukiup ingerlanerani aningaasaqarneq allanngussappat siumoortumik nalunaarsuineq allanngortinneqarsinnaalissaaq.
Asseq toqqorsivimmit: Leiff Josefsen
Akileraartarnermut Aqutsisoqarfik ulluni makkunani akileraartarnermut allagartanik tunisinermullu allagartanik ukiumut 2026-mut akileraarutit A-t naatsorsornissaannut atugassanik nassiussuivoq, aqutsisoqarfik tusagassiuutitigut nalunaaruteqarluni erseqqissaavoq.
Sulisitsisut amerlasuut sulisumik akileraartarnermut allagartaannik qarasaasiakkut siumoortumik aasimavaat. Sulisitsisuppit akileraartarnermut allagartat qarasaasiakkut aasimappagu akileraartarnermut allagartat krydsimik titarneqassaaq.
Ukioq manna allamik suliffeqalersimaguit, sulisitsisut akileraartarnermut allagartami allaqqasoq eqqortuunersoq misissussavat.
- Sulisitsisut akileraartarnermut allagartami allaqqasoq eqqortuunngippat Akileraartarnermut Aqutsisoqarfik attavigissavat sulisitsisorlu eqqortoq nalunaarutigalugu. Tamatuma kingorna Akileraartarnermut allagartamik nutaamik nassinneqassaatit, akileraartarnermut aqutsisoqarfimmit erseqqissaatigineqarpoq.
Soraarnerussutisiaqalernissamut katersisussaatitaaneq
Nammineq soraarnerussutisiaqalernissannut aaqqissussinermut peqataasussaatitaanermut ileqqaaqqusaanerit suli atuuppoq kisiannili ileqqaagassatit akilersimanngikkukkit akileraartarnermut allagartap procentinik qaffaavigineratigut akilersinneqartarunnaarput.
Inatsisartut, aningaasanut inatsimmut ilanngullugu 2026-mut soraarnerussutisiaqa-lernissamut akiliutissat akilersinniarneqartarnerat atorunnaarsippaat.
Taamaattumik innuttaasut soraarnerussutisiaqalernissamut aaqqissuussinermut peqataasussaatitaanermut akiliisimanngitsut akileraartarnermut allagartakkut imaluunniit tunisinermut allagartap qaffaaviginerisigut akilersinneqartarunnaarput.
Ukioq kaajallallugu siumoortumik nalunaarsuisinnaalerpugut
Akileraartarnermut Aqutsisoqarfik ilisimatitsivoq ukioq naallugu siumoortumik nalunaarsuisinnaaneq periarfissaalersoq.
- 2026-mi aningaasatigut inissisimanerit allannguuteqassagaluarpat siumoortumik nalunaarsukkatit iluarsiivigisinnaavatit. Siumoortumik nalunaarsukkatit Akileraartarnermut Aqutsisoqarfiup nittartagaani www.aka.gl -imi ‘Akileraarutikka’ aqqutigalugu imaluunniit Sullissivik.gl -ikkut iluarsisinnaavatit.
- Akileraartarnermut Aqutsisoqarfimmi siumoortumik nalunaarsuinitit iluarsisat akuerineqareerpata akileraartarnermut allagartamik nutaamik nassinneqassaatit, akileraartarnermut aqutsisoqarfimmit nalunaarutigineqarpoq.
