Facebook Messengerilu tallimanngornermi attaveeruttut

Nittartakkatigut attaveqaqatigiittarfiit soorlu Facebook tallimanngornermi ualikkut teknikkikkut ajornartorsiuteqarput. Pissutaasoq suli ilisimaneqanngilaq.

Facebook tallimanngornermi ualikkut ilisimaneqanngitsumik attaveeruppoq.

Assi: Signe Goldmann/Ritzau Scanpix

Ritzaus Bureau Ritzaus Bureau Ritzaus Bureau

Saqqummersinneqarpoq 12. Juuni 2026 - 13:25

Facebookimik atuisut tallimanngornermi danskit nalunaaqutaat malillugu 16.00 - nunatsinni nalunaaqutaq malillugu 13.00 Facebookimut Metallu attaveqatigiittarfia Messenger iserfigineqarsinnaanngillat.

Atuisut Metap kiffartuussiviinut iserniarnerminni ajornartorsiuteqartut Downdetector, nittartakkatigut kiffartuussinerni ajutoortunik nalunaarsuisartoq, takutitsivoq.

Meta Platforms Amerikami teknologiimik ingerlatsiviuvoq Facebookimik, Messengerimik, Instagramimik WhatsAppimillu piginnittuusoq.

Ussassaarut

Downdetector naapertorlugu atuisut Instagramimi ajoquteqartoqarneranik nalunaarput, WhatsAppili ajornartorsiutinit eqqugaasimarpasinngilaq.

Ajutoornermut suna pissutaasimasinnaanersoq suli ilisimaneqanngilaq.

Ajornartorsiutit nalunaaqutaq 13.40 missaani aaqqinneqarsimarpasipput.

/ritzau/