Stine
Buur Hvistendahl Greenland Airportsimi attaveqaqatigiinnermut
pisortanngorpoq.
Suliffeqarfimmi 'brand manageritut' 2024-mi decembarimi atorfeqareerluni qaammat
kingulleq atorfittaamini aallartippoq.
Stine
Buur Hvistendahl Greenland Airportsimi attaveqaqatigiinnermut
pisortanngorpoq.
Suliffeqarfimmi 'brand manageritut' 2024-mi decembarimi atorfeqareerluni qaammat
kingulleq atorfittaamini aallartippoq.
-
Tamanna uannut pissusissamisuuginnarpoq, oqarpoq.
-
Attaveqaqatigiinneq nuannarilluinnarpara, Greenland Airportsilu
siliffeqarfiuvoq pissanganarnerpaaq, ingammik maanna mittarfiit
nutaat atulermata.
Stine
Buur Hvistendahl piffissami soqutiginarluinnartumi atorfinippoq.
Nuummi nunanut tamalaanut mittarfik Qaqortumilu mittarfittaap
qanittukkut ammarneqartup saniatigut ukiaru mittarfissuaq nutaaq
ammarneqassaaq.
Tamatuma
saniatigut Greenland Airportsimi pisortaaneq Jens Lauridsen Ilulissani mittarfik nutaaq oktobarip naanerani
ammarneqarpat pisortatut tunuarniarluni nalunaarpoq.
Allannguinerit
ulapittarnerillu Stine Buur Hvistendahlip septembarip aallaqqaataani
2023-mi mittarfinnik ingerlatsivimmi sulilernerminiilli
sungiusimallugit erseqqissarpaa.
-
Allanngorartoqartuaannarpoq nutaamillu alloriartoqartarluni.
Taamaattumik imaanngilaq piffissaq maannakkut inuuffigisarput
allaanerulluinnartuusoq. Tamakku tamarmik sammineqartussat ilaannaraat, oqarpoq.
Suliassaq
ajornakusuussasoraajuk?
-
Isumaqarpunga suliassat tamarmik ilaannikkut
ajornakusoortartut, unammilligasalli nuannaraakka. Kikkut
tamarmik peqataaffigisinnaasaannik, suliassap imaannaanngitsup
pisariillisarnissaa nuannaraara. Nukissaninnarivara.
Maannakkut
suliassavit pingaarnerpaat annersaallu sunaava?
-
Greenland Airportsimi pissanganartorpassuit pipput, suliavullu ammanerusumik sammerusuppakka – aamma Greenland Airportsip
inuiaqatigiinni qanoq inissisimaffeqarnera pillugu,
akivoq.
Stine
Buur Hvistendahl attaveqaqatigiinnermut pisortatut atorfimmi Mikkel
Bjarnø Lund, Namminersorlutik Oqartussat suliffeqarfiutaanni Nalik
Venturesimi apriilimi attaveqaqatigiinnermut pisortanngortoq, kingoraarpaa.
