Greenland Airports Ilulissani mittarfissuassap ammarnissaanut ulluliivoq
Avannaani mittarfissuassaq 2026-mi oktobarip 29-anni ammarneqassasoq pisortatigoortumik nalunaarutigineqarpoq.
Mittarfimmut uunga 2200 meterisut takitigisumut timmisartoq siulleq qaammatit arfineq-marluk missaat qaangiuppata missaaq. Mittarfiup suli atulinnginneranut nalunaaqutseqqanera assimi takuneqarsinnaavoq.
Assi: Greenland Airports
Greenland Airportsip Ilulissani mittarfissap qaqugu ammarneqarnissaa aalajangerpaa. Suliffeqarfiup nammineq nalunaarutigaa:
- Suliassami ima siuarsimatigilerpugut Ilulissani
Mittarfiup pilersaarutit malillugit ulloq 29. oktobar ammarnissaa
uppernarsarsinnaalerlutigu. Killiffik pingaarutilik malunnaateqarpoq, nunanit
tamalaanit mittarfittaassap ammarneranut aammalu Nuummi, Qaqortumi Ilulissanilu
mittarfinnut nutaanut pingasunut sanaartornermut pilersaarutip ataatsimoortup
naammassineranut malunnartitsisoq, Greenland airportsimi pisortaaneq Jens Lauridsen oqarpoq.
Timmisartoqarfissap illutaa mittarfillu naammassillutik tunniunneqareerput, tulliatullu timmisartunik inissiisarfiup atortorissaarutillu teknikkimut tunngasut naammassineqartussaallutik.
- Atortulersuutit misilittaanerlu kisimik
pineqanngillat, kisianni inuit, teknikkit suleriaatsillu inissitsinnissaat
annertuumik pineqarluni. Tassani ingerlatsinermut toqqammaviliisoqartussaavoq,
maannakkullu ukkatarisarput tassaavoq, mittarfiup ilaasunik sulisunillu
pitsaanerpaamik tikilluaqqusisinnaalernissamut piareernissaata qulakkeernissaa, Jens Lauridsen oqarpoq.
Aallaqqaammut sapaatit-akunneri tamaasa timmisartuussisoqartassasoq
Ammarnissaanut ulluliussaq ilimagineqareerpoq, Air Greenlandimmi timmisartuussinissamut pilersaarutimini nalunaarutiginikuuaa. Greenland Airportsip maannamut oktobarimi ammaasoqarumaartoq nalunaarutiginikuuaa. Ulluali tassa maanna pisortatigoortumik aalajangerneqarpoq.
- Ilulissani
ammaanermi Kalaallit Nunaanni mittarfinnut nutaanut pingasunut sanaartornermut
pilersaarut naammassissavarput. Angalaneq maannakkut naammassisussanngugarput pisariusimavoq
pingaaruteqarsimallunilu, Jens Lauridsen oqarpoq.
Air Greenland Ilulissaniit Københavnimut pingasunngornerit tamaasa timmisartuussisoqartalissasoq ilisimatitsivoq, juullillu marsillu qaammataani marlunngortinneqassapput.
