KL

DK

IA: Kalaallit Nunaanni ilaqutariit ataatsimoortinneqarsinnaanerannik sukaterisoqarsimanera ministerip nassuiassavaa

Kalaallit Nunaanni innuttaasut nunanit allaneersunik aappallit ilaquttaminnik ataatsimoortitsinissaat ajornakusoornerulersimavoq. Danskit nunanut allanut ministeriata tamanna naapertuussorineraa Naaja H. Nathanielsenip apeqqutigaa.

Nunanut allanut ministeri Kalaallit Nunaanni ilaqutariinnik ataatsimoortitsisarneq pillugu maanna erseqqissumik nalunaaruteqartariaqarpoq, Naaja H. Nathanielsen isumaqarpoq.
Morten Okkels Morten Okkels Tusagassiortoq
Saqqummersinneqarpoq

– Attuumassuteqarnissamik piumasaqaatit allanngortinneqariataarnerat pissutigalugu kalaallit aappatik meeqqatillu ilagalugit Kalaallit Nunaannut nuussinnaannginnerat ministerip naapertuussoraa?

Taama Folketingimut ilaasortap Naaja H. Nathanielsenip (IA) Danmarkimi nunanut allanut ministeri Morten Bødskov aperaa.

– Attuumassuteqarnissamik piumasaqaatit allanngortinneqariataarnerat pissutigalugu kalaallit aappatik meeqqatillu ilagalugit Kalaallit Nunaannut nuussinnaannginnerat ministerip naapertuussoraa?

Taama Folketingimut ilaasortap Naaja H. Nathanielsenip (IA) Danmarkimi nunanut allanut ministeri Morten Bødskov aperaa.

Taamalilluni Naaja H. Nathanielsen ajornartorsiummut Sermitsiami 2026-mi septembarip 17-ani siullermeersumik saqqummiunneqartumut apeqquteqarpoq.

Danmarkimi innuttaassuseqartut Kalaallit Nunaanniittut allamiunik aappaqarlutik ilaqutariittut ataatsimoornissamut akuersissummik pissarsinissaat nunanit allaneersunut aqutsisoqarfiup ajornakusoornerulersillugu periutsimik allanngortitsisimavoq.

Taakku maanna attuumassuteqarnissamut piumasaqaateqarfigineqalerput. Maannakkut aappariit minnerpaaffissatut nunamut allamut attuumassuteqarnermi assinganik Kalaallit Nunaannut attuumassuteqartariaqarput. Siornatigut aappariit aappaa danskisut innuttaassuseqarpat taama piumasaqarfigineqarneq ajorput.

Sermitsiap ilisimasai naapertorlugit aqutsisoqarfiup periutsimik sukaterinerata kingunerisaanik ilaqutariinnik ataatsimuulersitsinissaq minnerpaamik ataaseq itigartitsissutigineqarpoq.

Namminersorlutik Oqartussat tamatuminnga suliaqarsinnaannginnerat pissutigalugu nunanut allanut ministeri Morten Bødskov Kalaallit Nunaanni nunanit allaneersunit inatsisinut politikkikkut akisussaavoq.

Akissuteqarfigineqarnissani suli utaqqigaa

Inatsimmi allassimasut naapertorlugit danskisut innuttaassuseqartut attuumassuteqarnissamut piumasaqaateqarfigineqartussaanngikkaluarput. Europamili Inuit Pisinnaatitaaffii pillugit Eqqartuussiviup aalajangiinera pissutigalugu periuseq allanngortinneqartariaqartoq Nunanit allaneersunut aqutsisoqarfik isumaqarpoq. Aalajangiinerli sorleq pineqarnersoq aqutsisoqarfiup suli ilisimatitsissutiginngilaa.

Periutsip allanngortinneqarsimaneranik nassuiaanerup saniatigut danskit oqartussaasuisa aalajangiitinnatik Naalakkersuisut qanoq peqataatissimaneraat Naaja H. Nathanielsenip paaserusuppaa.

Sermitsiap apeqqutit assingusut septembarimili apeqqutigisarsimavai, kisianni nunanit allaneersunut naalakkersuisoqarfimmit nunanillu allaneersunut aqutsisoqarfimmiilluunniit akissutisisimanngilaq. Nunanit allaneersunut naalakkersuisoqarfik akissummik aqutsisoqarfimmi tusarniaassutigisaminik utaqqisaqarpoq.

Isumaginninnermut, Suliffeqarnermut, Ilaqutariinnut Nunamullu Namminermut Naalakkersuisoqarfik suliamut tusarniaassutigineqartunut tunngasut nassaarineqarsinnaanngitsut septembarip 30-ani Sermitsiamut ilisimatitsivoq.

Taamaammat Kalaallit Nunaanni naalakkersuisoqarfik Danmarkimi nunanut allanut tunngasunut oqartussaasunut attaveqarsimavoq.

Pisartagaqarneq

Allaaserisaq tamaat atuarniarukku atuisunngortariaqarputit! Iserit!

Sermitsiaq.gl – Nittartagaq

  • Sermitsiaq.gl-imi allaaserisat tamakkiisumik atuarsinnaalissavatit
  • Qaammammut kr. 59.00
  • Ukiumut kr. 650.00
ATUISUNNGORIT

Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.

morten bødskov inuiaqatigiit naaja h. nathanielsen kalaallit nunaanni innuttaasut ilaqutariit ataatsimoortinneqarnissaat nunanit allaneersunut aqutsisoqarfik

Atorfiit tamaasa takukkit

PODCASTI

Powered by Labrador CMS