Danmarkimi iliveqarfiit annersaanni Kalaallit Nunaata ilamernga inissisimasoq ikittuinnaat nalugunanngilaat. Bussertitsisummi sapaatikkut Helligåndskirkenimi Strøgimiit Københavnip kujataata kitaatungaani naalagiaqatigiinnermi peqataasut Vestre kirkegårdimut bussiutsillugit kalaallit immikkoortortaqarfiat naniuminaatsippaa. Iliveqarfiup kalaallit ilerrinik ilaqartup annertuumik kusassarneqarnera kinguaattoorfiuvoq, aallartikkamili peqataasorpassuarnut nuannersumik misigisaqarfiuvoq.
Københavnimi Kalaallit Illuutaat ilerrit akornini kaffillertoq nunaminertanik ilusilersuisartoq Lone van Deurs, kusassaanermut siuttuusimasoq, Kalaallit Nunaatalu qeqqani provsti Maannguaq Dalager, immikkoortortaqarfimmik aqutsisuusoq, oqalugiarput. Silageqaaq illoqarfiillu pingaarnersaanni siallernissaa nalunaarutigineqarsimagaluartoq aatsaat sapaammi unnukkut siallilerpoq.
Danmarkimi iliveqarfiit annersaanni Kalaallit Nunaata ilamernga inissisimasoq ikittuinnaat nalugunanngilaat. Bussertitsisummi sapaatikkut Helligåndskirkenimi Strøgimiit Københavnip kujataata kitaatungaani naalagiaqatigiinnermi peqataasut Vestre kirkegårdimut bussiutsillugit kalaallit immikkoortortaqarfiat naniuminaatsippaa. Iliveqarfiup kalaallit ilerrinik ilaqartup annertuumik kusassarneqarnera kinguaattoorfiuvoq, aallartikkamili peqataasorpassuarnut nuannersumik misigisaqarfiuvoq.
Københavnimi Kalaallit Illuutaat ilerrit akornini kaffillertoq nunaminertanik ilusilersuisartoq Lone van Deurs, kusassaanermut siuttuusimasoq, Kalaallit Nunaatalu qeqqani provsti Maannguaq Dalager, immikkoortortaqarfimmik aqutsisuusoq, oqalugiarput. Silageqaaq illoqarfiillu pingaarnersaanni siallernissaa nalunaarutigineqarsimagaluartoq aatsaat sapaammi unnukkut siallilerpoq.
– Kalaallit iliveqarfiat siunissami eqqissisimaffiulissallunilu eqqarsaatiginneqqissaarfiusinnaalssasoq neriuutigaara. Nunat kulturillu assigiinngitsut ataqatigiilerfiat. Pereersunik, maannakkut pisunik siunissamillu ataatsimoortitsinermik inissaqartitsiffiussasoq, Lone van Deurs oqarpoq.
Københavnimi iliveqarfimmi kalaallit qallunaallu Kalaallit Nunaannut attuumassuteqartut ilineqarsimapput.
Isaaffik atassusiisoq
Kalaallinut immikkoortoq marlunnut avinneqarsimavoq, taakkulu isaaffimmik atassuserneqarsimapput. Tunuani qiperugaq „Qanilaarneq“ eqqumiitsuliortup Bolatta Silis-Høeghip ujaqqanik angisuunik kommunit aaqqissuusseqqinnerisa kingorna kommunet siulliit sisamaneersunit sanaava inissisimavoq.
Assi: Lone van Deurs
Nutarterineq malunnartumik sunniuteqarpoq.
Iliveqarfiit ujaqqanik anorthorsitinik angisuunik, aatsitassarsiorfiup Lumina Sustainable Materialsip Kangerlussuarmi piiagaanik Royal Arctic Linellu umiarsuarmik Danmarkimut assartugaanik, ungalulerneqarsimavoq.
Issittumi naasut, soorlu tikiusaat, tupaarnat kakillallillu ujarassuit akornanni naatinneqarsimapput. Kalaallit immikkoortuat marlunnut 1952-imiit 1970-imut sanaanut avissimasoq, isaaffimmik atassuserneqarsimavoq.
- Ilerrit maannakkut takisuunik tulleriiaartikkunnaarlugit, siammarsimanerullugilli ivikkallu akornanni toqqorsimanerulersillugit inissinneqarput, Lone van Deurs oqaluttuarpoq.
Kusassaaneq 1,3 million koruuninik akeqartoq A. P. Møllerip aningaasaateqarfianit danskillu naalagaaffiannit aningaasaliiffigineqarpoq.
