USA-p præsidentiata Donald Trumpip Kalaallit Nunaat puigorsimanngilaa.
Tamanna ataasinngornermi unnukkut tusagassiortunik katersortitsinermi erserpoq, tassanilu Kalaallit Nunaannik tiguaarusunninni oqaatigeqqippaa.
USA-p præsidentiata Donald Trumpip Kalaallit Nunaat puigorsimanngilaa.
Tamanna ataasinngornermi unnukkut tusagassiortunik katersortitsinermi erserpoq, tassanilu Kalaallit Nunaannik tiguaarusunninni oqaatigeqqippaa.
Tusagassiortunik katersortitsinermi Iranimut sorsunneq sammineqaraluarpoq, naggataatungaanili Trumpip NATO USA-mik ikiuinnginnerarlugu isornartorsiorpaa, kingornalu ima oqarpoq: "Ilumoortoq tusarusukkussiuk suut tamarmik Kalaallit Nunaannit aallartipput. Kalaallit Nunaat piumavarput. Uagutsinnut tunniukkumanngilaat, uangalu inuulluaqqusivunga".
“Kalaallit Nunaanni tamat naalakkersueqataapput. Nunat tamalaat inatsisaat akueraagut. Maannakkut pisut siunissatsinnillu pisussat nunanit allanit aalajangiiffigineqassanngillat. Pissaaneqarnerunissamik sioorasaarineq ajugaanerunngilaq. Tamanna iluatsinnginnermik nalunaarutaavoq,” Naaja H. Nathanielsen præsident Trumpip kingullermik oqarnera tunngavigalugu Facebookimi allappoq.
Assi: Oscar Scott Carl
Trumpip tusagassiortunik katersortitsinermit taava ingerlavoq, kingornalu oqariartuutini itisiliiffiginngilaa.
Iluatsinnginneq
Tamatuma kingorna Inuit Ataqatigiit sinnerlugit Folketingimut qinigaaqqammersoq Naaja H. Nathanielsen præsidentip oqaaseqaatai pillugit Facebookimi ima allappoq:
– Ajoraluartumik piffissami inuiaalluta, kulturiulluta nunaallutalu nammineersinnaassuseqarluta erseqqissartariaqartarlutigu inuuffiusumi inuuvugut. Uagut ingerlaviup sammivia aqupparput. Nukittuut oqaluuserisartakkatik itsaq atorneqarsimasut ukiuni makkunani ilaartarpaat. Inuiaqatigiinni siammarterneqarsimasoq takuneqarsinnaavoq, taamaalilluni avinngarusimasunuinnaajunnaarpoq. Tamanna akerlilersorneqarlunilu nipangiutiinnarneqassanngilaq. Kalaallit Nunaanni tamat naalakkersueqataapput. Nunat tamalaat inatsisaat akueraagut. Maannakkut pisut siunissatsinnillu pisussat nunanit allanit aalajangiiffigineqassanngillat. Pissaaneqarnerunissamik sioorasaarineq ajugaanerunngilaq. Tamanna iluatsinnginnermik nalunaarutaavoq, Naaja H. Nathanielsen allappoq.
Pakatsinermik ersersitsisoq
Dansk Institut for Internationale Studierimi (DIIS) ilisimatuup Rasmus Sinding Søndergaardip Trumpip tusagassiortunik katersortitsinerup naalernerani Kalaallit Nunaannik tigusinnginnissaminik Kalaallit Nunaata Danmarkillu itigartitsisimanerinik oqaaseqarnera NATO-milu nunat arlallit Kalaallit Nunaata nammineersinnaaneranik tapersersuinerat suli pakatsisimaneratut isigaa.
- Trumpip sakkutooqarfiit aatsitassallu soqutiginngilai. USA-p nunataata annertusinissaa soqutigaa, periusissanili iluatsinngimmata pakatsissutigaa. Trumpilli oqaasii maannakkut pingaartippallaarneqassanngitsut Rasmus Sinding Søndergaard isumaqarpoq.
Assi: DIIS
– Trumpip NATO-mik naammaginninnginnerminik ersersitsinini nangillugu taamatut oqaaseqarpoq. Taamaammat NATO-p suleqatigilluarsimannginneratut isigigaa isumaqarpunga. NATO-p Iranimi sorsunneq tapersersorsimanngilaat, ajortuliallu annersaat tassaavoq Kalaallit Nunaata Trumpimut tunniunnissaanik akuerinninnginnerat Kalaallit Nunaata tigunissaanut Kalaallit Nunaata Danmarkillu akuersinnginnerat, NATO-milu nunat arlallit tapersersuinerat Trumpip suli pakatsissutigeqqagai ersarippoq.
Nunamik annertusaaneq
Rasmus Sinding Søndergaard naapertorlugu Trumpip Kalaallit Nunaat Amerikap nunataanut ilanngukkusukkaa erseqqissiartuinnarpoq.
- Trumpip sakkutooqarfiit aatsitassallu soqutiginngilai. USA-p nunataata annertusinissaa soqutigaa, periusissanili iluatsinngimmata pakatsissutigaa.
Trumpilli oqaasii maannakkut pingaartippallaarneqassanngitsut Rasmus Sinding Søndergaard isumaqarpoq.
– Amerikamiut Kalaallit Nunaanni sakkutooqarfinnik amerlanerusunik atuisinnaanissaat pillugu suleqatigiissitami isumaqatigiinniarnerit piviusorsiortut ingerlateqqinnissaat danskinit kalaallinillu soqutigineqarpoq, taamaalillunilu Kalaallit Nunaata tiguarnissaa sammineqarunnaassaaq.
