Inngeratsiler Avannaani nuannaarnermik siaruarterisoq

Kalaallit Nunaanni erinarsoqatigiit tusaamaneqarnerpaat nuannarineqarnerpaallu ilaat Tasiilaminngaanneersut Inngeratsiler, Nuummi, Ilulissani, Qeqertarsuarmi, Aasianni, Kangaatsiamilu inuppassuarnit peqataaffigineqartumik tusarnaartitseqqammerput.

Tasiilami erinarsoqatigiit Inngeratsiler 1983-imi pilersinneqartoq nunatsinni erinarsoqatigiit nuannarineqarnerpaat tusaamaneqarnerpaallu ilagaat. Juunip aallartilaarnerani Nuuk, Ilulissat, Qeqertarsuaq, Aasiaat, Kangaatsiaq aamma Qasigiannguit inuppassuarnit peqataaffigineqartumik tusarnaartitsiffigineqarput.

Assi: Arne Mølgaard.

Arne Mølgaard Arne Mølgaard

Saqqummersinneqarpoq 14. Juuni 2026 - 11:47

Juuni aallartilaartoq erinarsoqatigiit Tasiilaminngaanneersut Inngeratsiler Nuummi, Ilulissani, Qeqertarsuarmi, Aasianni, Kangaatsiami aamma Qasigiannguani, inuppassuarnit peqataaffigineqartumik tusarnaartitsipput.

Siullermeerluni Avannaani tusarnaartitsineq

Inngeratsiler kingullermik ataatsimeersuarmat, aasaq manna Avannaanut tusarnaartitsiartornissaq aalajangiunneqarpoq. Angalaneq aallarnerlugu erinarsoqatigiit Tasiilamiit Nuummut timmisartorput, periarfissarlu iluatsillugu Katuami tusarnaartitsillutik.

Ussassaarut

Erinarsoqatigiinni siulittaasup Mikkel Biancop oqarnera naapertorlugu, Inngeratsiler Europami nunarpassuarni tusarnaartitsisarnikuuvoq, aatsaalli siullermeerluni Avannaani tusarnaartitsilluni. Avannaata Kommunia suleqatigalugu Ilulissani Sermermiut Kulturhusimi 3. juuni inuppassuarnit peqataaffigineqartumik Inngeratsiler tusarnaartitsivoq.

Kommune Qeqertalimmi tusarnaartitsinissaq siullermik pilersaarutaasimanngikkaluarpoq. Kommuunilli saaffiginninneratigut Qeqertarsuaq, Aasiaat, Kangaatsiaq aamma Qasigiannguit tikinnissaat piviusunngorsinnaasimasoq, Mikkel Bianco oqarpoq.

Avannaani tusarnaartitsiartornissaq siunertaralugu, ukiut kingulliit pingasut aningaasanik katersuiniartarsimallutik, taassuma erseqqissaatigaa.

- Avannaani tusarnaartitsinerput iluatsilluarpoq, inuppassuillu nuannaartut naapippagut, Inngeratsiler-mi siulittaasoq Mikkel Bianco oqarpoq.

- Avannaani tusarnaartitsinigut inuppassuarnit peqataaffigineqarput, inuillu nuannaartut takullugit assut nuannerpoq. Aammalu seqernup kaaviinnarnera assut alutornarpoq, taanna oqarpoq.

Qilaatersorneq aamma ilaasoq

Inngeratsilermi erinarsorneq taamaallaat sammineqarneq ajorpoq aammali tusarnaartitsinermut atatillugu qilaatersorneq takutinneqartarpoq.

- Piorsarsimassutsimik tammatsaaliornermut atatillugu qilaatersorneq peqatigiiffiup ilaasortaanut ilinniartitsissutigineqartarpoq. Taamaattumik tusarnaartitsinermut ilanngullugu qilaatersorneq aamma takutinneqartarpoq, tamannalu aamma assut alutorineqartarpoq, Mikkel Bianco oqarpoq.

Qeqertarsuarmi qilaatersornermik takutitsisoqarmat isiginnaartitsisartoq tusaamaneqarluartoq Qeqertarsuarminngaanneersoq Hans Henrik Suersaq Poulsen, isiginnaartunit qiimmattaatigineqaqisumik aamma qilaatersorluni takutitsivoq.

- Qeqertarsuarmi tusarnaartitsinissaq katersortarfimmi pisussaagaluarpoq, soqutiginninnerli annertoorujussuusoq paasinarsimmat tusarnaartitsinissaq timersortarfimmut nuunneqarpoq.

5. juuni Inngeratsiler Qeqertarsuarmi tusarnaartitsimmat inuppassuit tusarnaariarput.

- Qeqertarsuarmiinnerput tigulluarneqarpoq inuppassuillu peqataapput.

Ingeratsiler 1983-imi pilersinneqarpoq, tassanilu inuusuttuaqqaniit utoqqarnut ilaasortaapput.

Pisartagaqarneq

Allaaserisaq tamaat atuarniarukku atuisunngortariaqarputit! Iserit!

Sermitsiaq.gl – Nittartagaq

Sermitsiaq.gl-imi allaaserisat tamakkiisumik atuarsinnaalissavatit
Qaammammut kr. 59.00
Ukiumut kr. 650.00

Pisigit

Sermitsiaq - E-aviisi

Sermitsiaq e-aviisitut tallimanngornerit tamaasa saqqummersartoq atuarsinnaalissavat
Sermitsiaq.gl-imi allaaserisat tamakkiisumik atuarsinnaanngussavatit
Qaammammut kr. 191
Ukiumut kr. 1.677

Toqqaagit

AG - Atuagagdliutit E-aviisi

Aviisi AG - Atuagagdliutit e-aviisitut tallimanngornerit tamaasa saqqummersartoq atuarsinnaalissavat
Sermitsiaq.gl-mi allaaserisat tamakkiisumik atuarsinnaanngussavatit
Qaammammut kr. 191
Ukiumut kr. 1.677

Toqqaagit

Sermitsiaq.AG+

Aviisi AG - Atuagagdliutit e-aviisitut tallimanngornerit tamaasa saqqummersartoq atuarsinnaalissavat
Sermitsiaq e-aviisitut tallimanngornerit tamaasa saqqummersartoq atuarsinnaalissavat
Sermitsiaq.gl-imi allaaserisat tamakkiisumik iserfigisinnaalissavatit
Arnanut e-magasinatut atuarsinnaalissavat
Nutserisoq.gl atorsinnaanngussavat
Soqutiginnikkuit abonnement@sermitsiaq.gl-imut allagaqarsinnaavutit

Toqqaagit

Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.