KL

DK

AALISARNERMUT PINIARNERMULLU ILINNARFIK

Kommunalbestyrelsimut ilaasortaq: – Aalisarnermut piniarnermullu ilinniarfik Attumi pilersinneqarli

Aalisarnermut piniarnermullu ilinniarfik nutaaq nunaqarfimmut inissinneqarpat, tamanna pissusissamisoortoq, Kommune Qeqertalimmi kommunalbestyrelsimut ilaasortaq, Per Ole Frederiksen, Siumut, isumaqarpoq

Attumi 180-it missaannik inoqartumi aalisarneq piniarnerlu pingaarnertut inuussutissarsiutaavoq. Tamaani aalisarneq piniarnerlu ukioq kaajallallugu ingerlanneqarsinnaasoq, taamaattumillu nunaqarfimmi aalisarnermut piniarnermullu ilinniarfimmik pilersitsinissaq tulluartuusoq, Kommune Qeqertalimmi kommunalbestyrelsimut ilaasortaq, Per Ole Frederiksen, Siumut, isumaqarpoq.
Arne Mølgaard Arne Mølgaard
Saqqummersinneqarpoq

Kalaallit Nunaanni inuussutissarsiutigalugu piniarnermut allagartallit 2025-mi 2.072-iupput, taakkunanngalu amerlasuut aalisarnermut allagartaqarput, taamaammat piniarnermik aalisarnermillu inuussutissarsiuteqarneq pingaaruteqarluinnartutut inissisimavoq. Ilaatigut tamanna peqqutigalugu Namminersorlutik Oqartussat aalisarnermik inuussutissarsiuteqartut suliaqartut suleqatigalugit, aalisarnerup iluani ilinniarfinnik nutaanik pilersitsinissaq siunertaralugu maannakkut suliaqaleruttorput. Siullertut umiatsiaararsornermik ilinniarfik, tulliullugulu tunngaviusumik inuussutissarsiutigalugu aalisarnermik ilinniarfik, pilersinneqartussatut pilersaarutaapput.

Kisiannili nunaqarfimmi Attumi piniarnermut aalisarnermullu ilinniarfimmik aamma pilersitsisoqartariaqartoq, Kommune Qeqertalimmi kommunalbestyrelsimut ilaasortaq, Per Ole Frederiksen, Siumut, isumaqarpoq.

Kalaallit Nunaanni inuussutissarsiutigalugu piniarnermut allagartallit 2025-mi 2.072-iupput, taakkunanngalu amerlasuut aalisarnermut allagartaqarput, taamaammat piniarnermik aalisarnermillu inuussutissarsiuteqarneq pingaaruteqarluinnartutut inissisimavoq. Ilaatigut tamanna peqqutigalugu Namminersorlutik Oqartussat aalisarnermik inuussutissarsiuteqartut suliaqartut suleqatigalugit, aalisarnerup iluani ilinniarfinnik nutaanik pilersitsinissaq siunertaralugu maannakkut suliaqaleruttorput. Siullertut umiatsiaararsornermik ilinniarfik, tulliullugulu tunngaviusumik inuussutissarsiutigalugu aalisarnermik ilinniarfik, pilersinneqartussatut pilersaarutaapput.

Kisiannili nunaqarfimmi Attumi piniarnermut aalisarnermullu ilinniarfimmik aamma pilersitsisoqartariaqartoq, Kommune Qeqertalimmi kommunalbestyrelsimut ilaasortaq, Per Ole Frederiksen, Siumut, isumaqarpoq.

Attu ilinniartoqarfittut

Attumi aalisartoq piniartorlu Per Ole Frederiksen ukiorpassuarni nunaqarfimmi aqutsisunut ilaasortaanikuuvoq, maannakkullu Kommune Qeqertalimmi kommunalbestyrelsimut ilaasortaalluni. Taassuma saniatigut ukiut 20-t missaat nunaqarfimmi aalisartut piniartullu peqatigiiffianni siulersuisunut ilaasortaanikuuvoq. Taamaattumillu aalisarnermik piniarnermillu inuussutissarsiuteqarneq annertuumik taassuma ilisimasaqarfigaa.

Siusinnerusukkut Uummannami aalisarnermut piniarnermullu Ilinniarfeqarnikuuvoq, taannali 2016-imi atorunnaarpoq. Tassungalu assingusumik Attumi 180-it missaannik inoqartumi ilinniarfimmik nutaamik pilersitsisoqassasoq, Per Ole Frederiksen apriilimi kommunalbestyrelsimut siunnersuuteqarpoq. Siunnersuut aasaq manna juunimi kommunalbestyrelsimi oqaluuserineqarpoq. Siunnersuutip sukumiinerusumik oqaluuserineqarnissaa siunertaralugu, ataatsimiititaliamut Inoqarfimmut ingerlateqqinneqassasoq akuersissutigineqarpoq.

- Kommune Qeqertalimmi Attumi piniarnermut aalisarnermullu ilinniarfeqalernissaa siunertaralugu Naalakkersuisunut saaffiginnittoqassasoq siunnersuutigaara. 

- Nunarput isorartoorujussuuvoq. Avannaani piniarnermi aalisarnermilu atugassarititaasut sumiiffinnut allanut naleqqiullugit allaanerupput.

Nunaqarfimmi piniarnermut aalisarnermullu ilinniarfeqalernissaa partiilersuunnertaqanngitsumik ukiut siuliinili eqqartortarnikuuarput. Ilinniarfiup sumi inissisimanissaa pingaarnerpaajunngilaq. Kisianni Attumi ukioq kaajallallugu piniarneq aalisarnerlu ingerlanneqarsinnaavoq, taamaattumik ilinniarfiup tassani inissinneqarnissaa tulluartuuvoq, Kommune Qeqertalimmi kommunalbestyrelsimut ilaasortaq, Per Ole Frederiksen, Siumut, oqarpoq. Taanna ukiorpassuarni piniarnermik aalisarnermillu inuussutissarsiuteqarpoq. Asseq nammineq pigisaq.

- Assersuutigalugu ukiuunerani qilalugarniarneq, aaffanniarneq, sikukkut piniarneq aalisarnerlu, kiisalu ukiuunerani qimussimik tuttunniarneq umimmanniarnerlu ilisimasaqarfiginissaat pingaartilerujussuuvoq.

- Taamaattumik avannaani inuusuttut piniarnermik aalisarnermillu inuussutissarsiuteqartut pitsaasumik ingerlassappata, nunaqarfimmi piniarnermik aalisarnermillu ilinniarfimmik pilersitsisoqarnissaa pisariaqartoq isumaqarpunga, taanna oqarpoq.

Aalisarnermut piniarnermullu ilinniarfissap pilersinneqarnissaa kommunalbestyrelsimi ilaasortanit tunngaviatigut akerlerineqanngilaq. Taamaattorli sumi inissisimanissaata isumaqatiginninniutigineqarnissaa ammaffigineqartoq, kommunalbestyrelsimi ataatsimiinnermit imaqarniliami takuneqarsinnaavoq. Aasiaat ilinniartoqarfiunera, ilinniarfiullu tassunga inissinneqarsinnaanera, periarfissatut ilanngullugu taaneqarpoq. 

Kommune Qeqertalimmi inuussutissarsiutigalugu piniarnermik allagartallit 301-iupput.

Eqqarsarnartoqartoq

Aalisarnermut piniarnermullu ilinniarfik nunaqarfimmi inissinneqarnissaa eqqarsarnartoqartoq, Kalaallit Nunaanni Aalisartut Piniartullu Kattuffianni, KNAPK-mi siulittaasoq, Pele Blytmann isumaqarpoq.

Aalisarnermut piniarnermullu ilinniarfik nunaqarfimmi inissinneqassappat apeqqutit assigiinngitsut, soorlu ilinniartut ilinniartitsisullu inissanut tunngasut, qulakkeerneqaqqaartariaqartut, taanna isumaqarpoq.

Pisartagaqarneq

Allaaserisaq tamaat atuarniarukku atuisunngortariaqarputit! Iserit!

Sermitsiaq.gl – Nittartagaq

  • Sermitsiaq.gl-imi allaaserisat tamakkiisumik atuarsinnaalissavatit
  • Qaammammut kr. 59.00
  • Ukiumut kr. 650.00
ATUISUNNGORIT

Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.

knapk inuussutissarsiutit attu aalisarnermut piniarnermullu ilinniarfik placed per ole frederiksen kommune qeqertalik

Atorfiit tamaasa takukkit

PODCASTI

Powered by Labrador CMS