Inuit sisamat annaanneqartut — illu aserorteriffigineqartoq

Umiatsiaq sisamanik ilaasulik motooriminik unittoortoq, Aasiaat Radioaniit politiit marlunngormat ullaakkut nalunaaqutaq 05.10 nalunaarfigineqarput.

Umiatsiaq sisamanik ilasulik Tasiilap nunaqarfiullu Tiniteqilaap akornanniippoq.

Umiatsiaq siullermik PAN-PAN-imik kalerrisaarinikkut ikiorneqarsinnaanersoq misileqqaarneqarpoq, tassa umiatsiap qanitaani angallateqarnersoq inunnik ilaasunik ikiuiartortoqarsinnaaneqarsoq paasiniarneqarluni. Politiit angallataat Malik kingorna Tasiilamiit aallartinneqarpoq.

Inuit sisamat Malimmut ikaartinneqarlutik annaanneqartu, Tasiilamullu marlunngornermi ullaakkut apuussimasut, pigaartut pisortaat Thomas Jeppesen Sermitsiamut oqarpoq.

SAR-imik suliaqarnerup saniatigut Aasianni angerlarsimaffik aserorterifigineqarsimasoq taassuma aamma oqaluttuaraa.

Inuk kinaassusersineqanngitsoq illup sinittarfiata igalaavi millorlugit aserortersimagat, politiit ataasinngornermi unnukkut nalunaaqutaq 23.36 nalunaarfigineqarput.

Politiit ataatsimik pasisaqarput, suliarlu maanna misissuiffigineqarluni.

Ilinniarnertuunngortut nipituumik ernguttut

Ilinniarnertunngortut Nuummi Inussiviup eqqaani arsaattarfimmi nalliuttorsiorlutik aalakkuttut naammagittaalliuutigineqarlutik politiinut nalunaaqutaq 00.16 nalunaarutigineqarput.

Politiit sumiiffimmukartinneqarput, inuusuttullu nipilersukkanik appisimaanerat nipikilleqqunerpoq. Taamaaliorpullu.

Politiit illoqarfiit pingaarnersaanni unnuaq taanna kingusinnerulaartukkut nalunaaqutaq 02.14 alla pillugu aamma nalunaarfigineqarput, tamatumuuna Nuussuarmi pisoq pillugu.

Biilit mianersuaalliorlutk ingerlasut takuneqarsimapput, politiillu misissuinerminni taakku tillitaasut paasivaat.

Politiit biilit attaveqarfigaat, suliamullu suli paasiniaaffigineqartumut atatillugu angut unnerluutigineqarpoq.