Inuk aqqunartitertoq: Politiit takunnissimasinnaasunik ujartuipput

Inuk ataaseq pisumi ilungersunartumi, niaqquata saarnga innarlersimallunilu saffissamigut napisimasoq, politiinit oqaatigineqarpoq.

Umiarsualiviup Aqqutaani sapaammi ullaassakkut nalunaaqutaq 02.00-p aamma 03.00-p akornanni pisimasoq pillugu, politiit paasiniaanerminni takunnissimasinnaasunik ujartuipput:

- Politiit pisoq misissorpaat piffissamilu pineqartumi sumiiffimmiissimasut imaluunniit pingaarutilimmik takunnissimasinnaasut tusagaqarsimasulluunniit tamarmik Upernaviup politiivinut saaffiginneqqullugit kajumissaarneqarput.

- Paasissutissat pingaaruteqarpasinngikkaluartut paasiniaanermi annertuumik iluaqutaasinnaapput, politiit tusagassiutitigut nalunaarummi allapput.

Upernavimmi Politiit oqarasuaat 70 14 48-mut sianerfigineqarsinnaapput politeeqarfimmullu saaffiginninnikkut.