Inuusuttuaqqat ujaarineqartut toqungasut nassaarineqartut: Pinerluttoqarsimanngitsoq

Inuusuttuaqqat marluk Nuummi ujaarineqartut toqungasut unnuaq nassaarineqarput, Kalaallit Nunaanni Politiit pingaartuisa pisortaat, Poul Kreutzmann Sermitsiamut oqarpoq.

- Inuusuttuaqqat marluk ujaarineqartut unnuaq nanineqarput. Ajoraluartumik toqukkut qimagussimasut, marluullutik. 

- Inuinnaat ujaasisut ilaat nalunaaqutaq 00.59 sianerpoq. Pasinartumik nassaarsimallutik qanilleqqikkusunngitsut. Taava politiit sumiiffimmut ornigupput uppernarsineqarporlu taakkuusut, Poul Kreutzmann oqarpoq.

Inuusuttuaqqat timaasa misissorneqaqqaarneranni pinerluttoqarsimannginnera paasineqartoq, pingaartut pisortaat aamma oqarpoq.

- Ilaqutaasut kalerrinneqareerput. Soorunami ajoraluaqaaq, Poul Kreutzmann oqarpoq.

Imigassartorsimasut ulapputaasut

Kalaallit Nunaanni politiit sineriak tamakkerlugu ulloq unnuarlu kingulleq imigassartorsimallutik iliuusaasunik ulapputeqarput. Ulapinnerlu ullaaq manna suli aamma ingerlavoq. 

- Imigassartorsimallutik eqqissiviilliortitsisut, nakuusertut bilertullu suli ullaaq manna siarnutigineqallattaapput sineriak tamakkerlugu, Poul Kreutzmann oqarpoq.