Ukioqqortusiartornerma
malitsigisaanik ileqqorisakka manngunnikut eqqarsaatigillattaartarpakka. Ilaat
iluaraakka ilaqarpulli ileqqupalaanik.
Ulluni makkunani ajornanginaavittagara
tassaavoq ”ullumi suuki timersoriarnanga yogarnangaluunniit, poorskermammi”.
Sinnartusinermi ilikkarnikuugakku sulinngiffillu nuannisarfiusarmat, bla bla bla.
Ukioqqortusiartornerma
malitsigisaanik ileqqorisakka manngunnikut eqqarsaatigillattaartarpakka. Ilaat
iluaraakka ilaqarpulli ileqqupalaanik.
Ulluni makkunani ajornanginaavittagara
tassaavoq ”ullumi suuki timersoriarnanga yogarnangaluunniit, poorskermammi”.
Sinnartusinermi ilikkarnikuugakku sulinngiffillu nuannisarfiusarmat, bla bla bla.
Soorluuna taanna
ileqqutut atorunnaartariaqalersoq. Suallassagamami imminut
avoqqaariinnaraluaruma.
Taamaattukujuppassuit.
Ileqqunimmi qalaaratta. Assersuutigalugu eqqarsartarpunga
eqquutitinniarsarisarlugulu ileqqorinnerulernissara ilorpiama ”Dalai Lamaa”
eqeersinniarlugu, oqartarnerattut.
Tamanna isumaqarpoq toqqissinermik eqqartuussiunnaarlunilu alaatsinaannerulernermik – una piunnaarlugu: ”Uanga
ilumoorpunga, illit ajorputit!”. Saammarsartarpungali imminut eqqaasillunga
sungiusarnerooq mesterinngortitsisarpoq.
Ileqqorippallaaluatsiartoq
Anette Prehnip apersorneqarnera qanittukkut atuarpara. Taanna sociologiuvoq danskeq
atuakkiortuullunilu atuakkamut taaguutilimmut: ”Iloqqorippallaaluatsiarnerit”.
Oqariartuutaa tupaallaatigineqartoq ilaatigut tassaavoq qularnanngitsumik
”qaratsatsinni kukkusimasutut misigisarnerup initoorujussuusarnera”.
- Kukkusimasutut
misigineq atuukkaanngat amerlasuut pisuutitassarsiulersarput. Erngerluta
aapparisaq suleqalluunniit naviilersarparput isorinninniarpallaarnerarlugu
imaluunniit soqutiginninnginnerarlugu. Allanilli naveersinerup ilisarnartoq alla misigitilersarpaa: imminut
avoqqaarineq, amerlasuut sinnilimmik pigisagaat, taama nassuiaavoq.
Nalunngiivippat.
Nalitsinni taanna kukkuluttorsorisutut misigisarneq atuuttorujussuaq.
Piujuaannartitsinissaq soqutiginnginnakku? Kalaaliungaaravit?
Plastikimmi atoriikkat kimmivikullu? Kingunerlutsitsinernut ajortorpassuarnullu kina
pisuua?
Amygdala-ar
Anette Prehnip
oqarneratut nassuiaataa taaguuteqarpoq ”Amygdala-ar” tassaalluni piunngitsunik
eqqarsaateqarnermut taaguut, tamatta annerusumik minnerusumilluunniit
pigisarput.
- Amygdala-ar
tassaavoq ersinerup qaratsami katersuuffia taannalu eqeeraangat silatusaartumik
imaluunniit allatut eqqarsarluni pissusilersornissaq ajornarnerulersarpoq.
Paaseratarpat.
Ileqqut piviusut
uterfigeqqillugit: Ukiorpassuarni pujortartuuvunga taamaatinniarsariuarlugulu.
Sussa, misileqqillugu – qassissaa. Maanna pujortaguttarneq
qanganngoreersimalerpoq. Anertikkarneq ipianngusarnerlu atorunnaarlugit
malugusunnartuuvoq. Aamma tipersua maqaasinanngilluinnarpoq.
Sorpassuupput
eqqaasinnaasat. Uannulli pensionertussanngulersumut iluartoq tassa imminut
aperisinnaalerluni ukiut qulit qaangiuppata qanoq inuuneqarnissaq
sinnattorineriga.
Ukiut qulit
qaangiuppata suli inuussaguma peqqinnarnerusunik ileqqoqartariaqassaanga
nuannaarnerullungalu!
