Isumaqatigiissut nutaaq kalaallit Danmarkimi katsorsarneqarsinnaanerannut iluaqutaassasoq

Danmarkip Kalaallit Nunaannut ikiuiniarneranik annertusaanissamik isumaqatigiissut ataasinngornermi atsiorneqarpoq.

Isumaqatigiissut naapertorlugu kalaallit Danmarkimi peqqinnissaqarfimmi katsorsarneqartarnissaannut millionilikkuutaanik aningaasaliisoqassaaq.

Aamma sanaartornernut annertuunut, soorlu Qaqortumi umiarsualivimmut itisuumut Ittoqqortoormiinilu timmisartunut mittarfissamut nutaamut, misissueqqaarnerit aallartinneqassapput.

Tamanna isumaqatigiissummi Danmarkimi aningaasaqarnermut ministerip Nicolai Wammenip (S) aamma Kalaallit Nunaanni Aningaasaqarnermut Akileraartarnermullu Naalakkersuisup Múte B. Egedep ataasinngornermi atsioqatigiissutigisaanni atuarneqarsinnaavoq.

- Isumaqatigiissutip ilamernga Kalaallit Nunaanni peqqinnissaqarfiup nukittorsarneqarnissaanik Kalaallit Nunaatalu ataqatigiinnerulernissaanut attaveqaasersuutinut aningaasaliinissamik kissaateqarnitsinnut ersiutaavoq, Nicolai Wammen tusagassiutitigut nalunaarummi oqarpoq.

Tamanna isumaqatigiissummut tunngaviusumut ministeriunerup Mette Frederiksenip aamma Kalaallit Nunaanni naalakkersuisut siulittaasuata Jens-Frederik Nielsenip septembarimi atsioqatigiissutigisimasaannut atatillugu pivoq.

Isumaqatigiissummik annertusineq

Matumani illuatungeriit 1,6 milliardit koruunit Danmarkimit peqqinnissaqarfimmut tapiissutit annertusarnissaannut atorneqassasut isumaqatigiissutigaat – ilaatigut kalaallit napparsimasut Danmarkimi napparsimmavinni katsorsarneqarnerisa akiisa tamakkerlugit akilertarnissaat.

Aammattaaq umiarsualivimmik itisuumik mittarfimmillu sanaartornissaq, ministeriunerup oqarneratut kalaallit inuiaqatigiit nukittunerulernissaannut iluaqutaassaaq.

Aningaasaqarnermut ministerit ataasinngornermi atsioqatigiinneranni isumaqatigiissummut 1,6 milliarder koruuninik aningaasartuuteqarfiusussamut 185 millionit koruuninik ilassuteqartoqassaaq.

Tassa qaffaasoqarpoq.

- Tunngaviusumik isumaqatigiissut eqqarsaatigalugu isumaqatigiissutip ilaanik atugassanngortitsinermi pingaarutilimmik alloriaateqarpugut tamatumalu peqatigisaanik kalaallinut peqqissartunut peqqissutsikkut neqeroorutit aamma Kalaallit Nunaanni attaveqaasersuutinut aningaasaliissutissanut tunngaviit nukittorsarneqarput, Múte B. Egede tusagassiutitigut nalunaarummi oqarpoq.

Qallunaat suleqataanerat nuannaarutigeqalugu ilanngullugu oqaatigaa.

- Qilanaarutigisatsinnik atugassanngortitsinerup nanginnissaanut danskinik naalakkersuisunik kinguneqarluartussamik suleqateqarnerput isumaqatigiissummi takuneqarsinnaavoq.

/ritzau/