Jens-Frederik Nielsen Islandimi sakkutooqarfimmut pulaassaaq

Naalakkersuisut siulittaasuat Jens-Frederik Nielsen (D) Folketingip Danmarkimi ammaanersiormat marlunngornermi najuuppoq, Islandimull ullumi pingasunngornermi ataatsimiigialerpoq.

Jens-Frederik Nielsenip Islandimi, Islandip ministeriunissaa Kristrún Frostadóttir Savalimmiunilu Lagmandi Beinir Johannesen ataatsimeeqatigissavai.

Ataatsimiinnermi Atlantikup Avannaani suleqatigiinnerup nukittorsarneqarnissaa Issittumilu soqutigisat ataatsimut sammineqarnissaat, Naalakkersuisut ilisimatitsipput.

– Pingaaruteqarpoq nunatut eqqarligut suleqatigisagullu ataavartumik oqaloqatigisarnissaat. Tikeraarnermi matumani ilaatigut nunat tamalaat akornanni pissutsit kiisalu nunatta pingasut akornanni qaninnerusumik ataqatigiissaarinissamut periarfissat oqaluuserisassatta ilagaat, Jens-Frederik Nielsen oqarpoq.

Jens-Frederik Nielsen Naalakkersuisut siulittaasuattut Islandimut pisortatigoortumik siullermeerluni tikeraarpoq, Keflavikimilu sakkutooqarfimmut pulaassasoq ullorsiutaani takuneqarsinnaavoq.

Islandimi isumannaallisaanerup qanoq ingerlanera pillugu politikkerit tassani ilisimatinneqassapput. Pilersaarutit malillugit Naalakkersuisut siulittaasuat Nuummut oktobarip qulingiluaani uteqqissaaq.