Jens-Frederik Nielsen Trumpip umiarsuaanut napparsimavimmut qujaannartoq

Kalaallit Nunaat umiarsuarmik napparsimavimmik, USA-p præsidentiata Donald Trumpip nunatsinnukartikkusutaanik tiguserusunngilaq.

Taama Naalakkersuisut siulittaasuat Jens-Frederik Nielsen Facebookimi allappoq.

- Qujaannarpugut. Præsident Trumpip Amerikamiut umiarsuaannik napparsimavimmik Kalaallit Nunaannukartitsinissamik isumassarsiaa tusarparput. Maanili pisortat peqqinnissaqarfeqarput akeqanngitsumik innuttaasunut katsorsaasartumik. Tamanna toqqagaraarput. Tamanna inuiaqatigiinni toqqammavitta ilagaat.

- USA-mili tamanna atuutinngilaq, tassani nakorsiarneq akeqarpoq. Suleqatigiinnissamik oqaloqatiginninnissamut ammajuarpugut. Aamma USA-mik. Inuinnaat attaveqaatini naapeqatigiittarfiini nalaatsortumik oqariartuuteqarnasi oqaloqatiginiartigut, Jens-Frederik Nielsen allappoq.

”Oqaloqatigiinnermi suleqatigiinnermilu nunarput pillugu aalajangikkat maani nunatsinni aalajangerneqartarnerannik ataqqinninneq tunngavissaasoq”, ilanngullugu oqaatigaa.