Qeqqata Kommuniani borgmesterip Malik Berthelsenip (S) Kangerlussuarmi
sakkutuut takussaannginneri pillugit isornartorsiuinera Illersornissamut
ministereqarfimmit allakkatigut akissuteqarfigineqarpoq. Illersornissamulli
ministeri Troels Lund Poulsen (V) akissuteqartuunani Illersornissamut
ministeriaqarfimmit akissuteqartoqarpoq, taakkulu ima allapput:
“Sillimaniarnermut politikkimut tunngatillugu pissutsit
Illersornissaqarfiullu suliassaqarnerulernera eqqarsaatigalugit Kangerlussuarmi
Illersornissaqarfiup atortuisa, ilaatigut timmisartunik F-35-nik ilaannikkut
atuinermut tunngasut, Illersornissaqarfiup najuunneranut suliassanillu
naammassinninneranut atatillugu suliarineqarsinnaanissaat pingaaruteqarpoq,”
Illersornissamut Ministereqarfik Sermitsiamut allappoq.
Qeqqata Kommuniani borgmesterip Malik Berthelsenip (S) Kangerlussuarmi
sakkutuut takussaannginneri pillugit isornartorsiuinera Illersornissamut
ministereqarfimmit allakkatigut akissuteqarfigineqarpoq. Illersornissamulli
ministeri Troels Lund Poulsen (V) akissuteqartuunani Illersornissamut
ministeriaqarfimmit akissuteqartoqarpoq, taakkulu ima allapput:
“Sillimaniarnermut politikkimut tunngatillugu pissutsit
Illersornissaqarfiullu suliassaqarnerulernera eqqarsaatigalugit Kangerlussuarmi
Illersornissaqarfiup atortuisa, ilaatigut timmisartunik F-35-nik ilaannikkut
atuinermut tunngasut, Illersornissaqarfiup najuunneranut suliassanillu
naammassinninneranut atatillugu suliarineqarsinnaanissaat pingaaruteqarpoq,”
Illersornissamut Ministereqarfik Sermitsiamut allappoq.
Atortorissaarutit pitsanngorsarneqassasut
Kangerlussuarmi atortorissaarutit pitsanngorsarneqassasut
Illersornissamut Ministereqarfik nangilluni allappoq;
“Tamanna tunngavigalugu Kangerlussuup mittarfiani
pissutsit pitsaanerulersinniarlugit aningaasaliisoqassasoq aalajangerneqarpoq.
Aningaasat assersuutigalugu Illersornissaqarfiup illuutaasa nutarternissaannut,
isumannaallisaanermut, mittarfiup pitsanngorsarnissaanut, hangarinik
pilersitsinissamut il.il. atorneqarsinnaapput. Aningaasat qanoq
atorneqarnissaat Naalakkersuisunut oqaloqatigiissutigineqassaaq.
Isumaqatigiissutip ilaanik atsioqatigiinnikkut Kangerlussuup nunaqarfiani
umiarsualiviup pitsanngorsarneqarnissaanut periarfissat pisariaqartitallu
misissorneqassasut aamma isumaqatigiissutigineqarpoq,” Illersornissamut
Ministereqarfik allappoq.
Apeqqutit pingaarutillit suli akineqanngitsut
Nunanut allanut
tunngasunut naalakkersuisoq Vivian Motzfeldt (S) sapaatip akunnerani matumani –
ataasinngornermi marlunngornermilu decembarip arfineq-pingajuanni
qulingiluaanilu – Amerikamiut danskillu aallartitaat Joint Committeep Permanent
Committeellu Nuummi ataatsimiinnerannut atatillugu oqaloqatigissavai. Qeqqata
Kommuniatali borgmesteriata Issittoq Atlantikullu avannaa pillugit
isumaqatigiissummi immikkoortut 1 aamma 2-p imarisaat – taakkualu
Kangerlussuarmut qanoq sunniuteqarnissaat pillugit ataatsimiittoqannginneranik
isornartorsiuinera suli akissuteqarffiginngilaa.
Illersornissamut
Ministerip Troels Lund Poulsenip aamma isornartorsiuineq oqaaseqarfiginngilaa, Issittumilu Sakkutooqarfiup ilaa
Kangerlussuarmi inissinneqarsinnaanersoq imaluunniit Illersornissaqarfiup
Kangerlussuarmi sakkutooqarnerulernera pillugu apeqqut akissuteqarfiginngilaai.
Isumaqatigiissutit
ilaasa atuutilersinneri
Illersornissamut
ministeriaqarfik naapertorlugu Kangerlussuarmi pitsanngorsaanerit
Naalakkersuisut oqaloqatigiuarnerisigut Kalaallit Nunaanni
piviusunngortinneqarnissaat pingaartillugu suliarineqassapput.
“Piviusunngortitsinermi
Kalaallit Nunaanni Naalakkersuisut peqatigalugit isumaqatigiissutit
malinnaavigineqartarnissaat pingaartinneqarpoq, tassanilu Kalaallit Nunaanni
oqartussat suleqatigalugit nunaqavissut peqataatinneqarnissaannut
periarfissanik misissuisoqartuarpoq,” Illersornissamut Ministereqarfik
naggasiivoq.
