Ukiaanerani ataatsimiinneq 2026

Kielsenip Inatsisartunut ilaasortat naqqikkai

Inatsisartuni ilaasortat ataatsimiinnermi aqutsisup aalajangiineri ataqqissagaat oqallinnernilu aqutsinermik isornartorsiuineq ingalassimassagaat Inatsisartut siulittaasuannit Kim Kielsenimit allakkatigut kaammattuutigineqarpoq. Tamanna Naleqqamiit isornartorsiorneqarpoq, tassanilu Aki-Matilda Høegh-Damip tamakkiisumik oqartussaassuseqarnerup killilerneqarnera aamma ilaasortat oqaaseqarsinnaanerat mianersoqqussutigai.

Saqqummersinneqarpoq

Inatsisartuni ilaasortat ataatsimiinnermi aqutsisup innersuussutai maleruaqqullugit ataatsimiinnernilu aqutsisumut akerlilersuinatillu isornartorsiuissassanngitsut Inatsisartut siulittaasuannit Kim Kielsenimit nalunaarfigineqarsimapput.

Kim Kielsenip mailimi tassani Inatsisartut suleriaasianni § 49, imm. 2 innersuussutigaa, tassanilu ataatsimiinnermi aqutsisup ilitsersuutai ilaasortat maleruassagaat allassimavoq.

Inatsisartuni ilaasortat ataatsimiinnermi aqutsisup innersuussutai maleruaqqullugit ataatsimiinnernilu aqutsisumut akerlilersuinatillu isornartorsiuissassanngitsut Inatsisartut siulittaasuannit Kim Kielsenimit nalunaarfigineqarsimapput.

Kim Kielsenip mailimi tassani Inatsisartut suleriaasianni § 49, imm. 2 innersuussutigaa, tassanilu ataatsimiinnermi aqutsisup ilitsersuutai ilaasortat maleruassagaat allassimavoq.

Kielsen naapertorlugu ilaasortat ataatsimiinnernik aqutsisup siunnersuutaanik piffissami kingullermi sumiginnaasut, aalajangiinernut akerliusut allatigulluunniit ataatsimiinnermik aqutsisumik ataqqinninngitsut arlaleriarlutik malugineqartarsimapput.

– Ataatsimiinnermik aqutsisumik assortuineq illuatungilersuinerluunniit assuarnarput akuerineqarsinnaanatillu, Kielsen Inatsisartuni ilaasortanut allakkamini Sermitsiamut nassiunneqartumi allappoq.

Taamatut pisoqartarnera ajuusaarnartutut taallugulu taamatut pisoqartariaqarnngitsoq erseqqissarpaa.

Kielsen: Siulittaasoqarfimmut isornartorsiuisoqassaaq

Ataatsimiinnermik aqutsisussatut qinigaq Inatsisartut ataatsimiinnerinik kalluunnaveersaarlunilu ilaasortat partiimut ilaasortaanerat apeqqutaatinnagu aqutsisussaasoq Kim Kielsen nalunaarummi nassuiaavoq.

Ataatsimiinnermi aqutsisumik isornartorsiuineq ataatsimiinnermi aqutsisup oqaasissaqarneranik tamatsinnullu malittarisassat ataqqineqarnerannik sanngiillisaataasoq aammattaaq erseqqissarpaa.

- Ilaasortat ataatsimiinnermik aqutsisup innersuussutaanik malinnittussaanerat oqaatigineqareersutut Inatsisartut suleriaasianni aalajangersarneqarsimavoq, taanna allappoq.

Ilaasortat aalajangiinermik naammaginninngikkunik siulittaasoqarfimmut kingorna saaffiginnissinnaapput.

Taamatut saaffiginnissutit ataatsimiinnermik aqutsinerup ajornartorsiutillu aalajangersimasup pineqartup nalilersorneqarnissaanut siulittaasoqarfimmik periarfissiipput. Kukkusoqarsimappat siulittaasoqarfiup pisut ilinniarfiginissaanut kukkunerullu ajuusaarutiginissaanut pissutissaqalissaaq.

- Ataatsimiinnermik aqutsisoq - oqaatsitigut, ussersornikkut kiinarsornikkulluunniit - illuatungilersorneqartussaanngilaq, aammalu tamanna oqaluttarfimmit imaluunniit ilaasortap inatsisartut ataatsimiittarfianni issiavianiit pisinnaanani.

Innersuussut Inatsisartut ataatsimiittarfianni aamma inuit attaveqaqatigiittarfiini atuuttoq nalunaarummi allassimavoq.

Aki-Matilda Høegh-Dam: Demokratiip aqqani taamaattoqarsinnaanngilaq

Taamatulli nalunaaruteqartoqarnera Naleqqami sakkortuumik qisuariarfigineqarpoq.

Aki-Matilda Høegh-Dam saaffiginnissummut tamanit atuarneqarsinnaasumik qisuariarpoq, Inatsisartunullu ilaasortat oqaaseqarsinnaanerannik politikkikkullu suliaqarsinnaanerannik killilersuinerusoq isumaqarpoq.

– Sakkortoorujussuarmik tamat oqartussaaqataanerat, inunnut sullissiniarnerput, Inatsisartuni killilersugaasarnera tupinnarpallaaqaaq, Facebookimi quppernermini taama allappoq.

Kim Kielsenip inersuarmit oqaaseq "kukkusoqartoq amerlanerussuteqartut pillugit atoqqusaanngikkipput oqaatigisimagaa aamma innersuussutigaa.

- Tamanut ilisimatitsissutigisariaqarmat allappara isertuunneqarani innuttaasut paasiniassammassuk, Aki-Matilda Høegh-Dam Facebookimi quppernermini allappoq.

Sulisinnaaveersaarneqaraangamik qinersisoqareeraangat allannguiniartarneq innuttaasunut malunniunneq ajortoq Aki-Matilda Høegh-Dam isumaqarpoq.

Taanna naapertorlugu ilaasortat qinikkat politikkerunnaarsinneqaraangata naggataatigut innuttaasunut kingunerlutsitsissarpoq.

- Ajorluinnarpoq, demokrati aqqani taamaattoqarsinnaanngilaq, taanna allappoq.

Tamanut saqqummiukkusukkaa

Aki-Matilda Høegh-Damip Inatsisartuni qanoq pisoqartarnera innuttaasut ilisimasariaqaraat isumaqarami qisuariaatimi tamanut saqqummiunnissaa aalajangersimallugu nassuiaavoq.

- Tamanut ilisimatitsissutigisariaqarmat allappara isertuunneqarani innuttaasut paasiniassammassuk.

Taamatut oqarnermigut ilaasortat politikkikkut aalajangiinernik isornartorsiuisinnaanerannik unammillersinnaanerannillu killilersuinertut isigisani erseqqissarpaa.

Inatsisartuni silaannaq nillertoq

Kielsenip naqqiissutaa Inatsisartuni ataatsimiinnerup arlaleriarluni akerleriissuteqarfigineqartup kingorna pivoq.

Ilaatigut siulittaasoqarfiup Naleraq siulittaasoqarfimmi oqaaseqaat malillugu ataatsimiittarfimmut isernissamut kajumissaarneqaraluarlutik takkutinngitsooramik taasititsisoqarnissaanik akornusersuisimasutut oktobarip naanerani ersarissumik isornartorsiorpaa.

Naleqqap siulittaasuata Pele Brobergip isornartorsiuineq ilumuunnginnerarlugulu ataatsimiinneq ingerlanneqanngimmat naalakkersuisooqatigiit ilaasortaatitaat 21-t sumiinnersut aperaa. Inatsisartut aalajangiisinnaassappata ilaasortat 16-it inersuarmiittussaapput.

Inatsisartut Siulittaasoqarfiata suliami allami Naleraq nipangiussisussaanermik unioqqutitsisimaratarsinnaanera pillugu politiinut unnerluutiginiarlugu ilisimatitsissutigaa.

Pisartagaqarneq

Allaaserisaq tamaat atuarniarukku atuisunngortariaqarputit! Iserit!

Sermitsiaq.gl – Nittartagaq

  • Sermitsiaq.gl-imi allaaserisat tamakkiisumik atuarsinnaalissavatit
  • Qaammammut kr. 59.00
  • Ukiumut kr. 650.00
ATUISUNNGORIT

Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.

Powered by Labrador CMS