Kina ammasuunermut nersornaat 2025-mut innersuukkusuppiuk?

Transparency Greenlandip 2025-mi Ammasuunermut nersornaat 2025-mut piukkunnartunik innersuussinissamut periarfissaq ammarpaat. Nersornaat januarimi 2026-mi tunniunneqassaaq. Innersuunneqarsinnaapput innuttaasut suliniuteqartullu inuiaqatigiinni ammasuunerunissamik isorinnissinnaassuseqarnissamillu ingerlatsisoqarnissaanik piumasaqartunik.

Transparency Greenland tusagassiuutinut nalunaarummi allappoq.

Ammasuunermut nersornaasiisarnermi siunertaavoq Kalaallini Inuiaqatigiinni innuttanik nersorinnikkusunneq, Kalaallit Nunaanni inuiaqatigiinni ammasuunissamik sulissuteqartunik, takutitserusuttunillu qanoq ileqqorluuteqartarnerit kinguneqarsinnaasartut. Suliniutaasalumi takutittarpaat, qanoq pingaaruteqartigisoq ileqqorlunnermik pimoorussamik akiuiniarluni sulissuteqartuarnissap pingaaruteqassusaa.

- 2026-mi januaarip qulingiluaata tungaanut kikkulluunniit Kalaallit Nunaanni inuk, peqatigiiffik suliffeqarfilluunniit ammasuunerusumik ingerlatsinermut immikkut suliniuteqarsimasoq innersuussutigisinnaavaat. Inassuteqaatit tunniunnissaannut piffissaliussap qaangiunnerata kingorna aalajangiisussat siunnersuutit nalilersussavaat nersornaasingassarlu toqqarlugu, allappoq.

Assersuutigalugu pasinapiluttumik kallerisaarisartumut, nutaarsiassaqartitsivimmut peqquserlulluni iluanaarniartarneq pillugu qulaajaasimasumut, suliffeqarfimmut innimiilliorneq pillugu qaammarsaallunilu akiuniartumut tunniunneqarsinnaalluni. Innersuunneqartut assigiissutigivaat assigiinngitsutigut ammasumik ingerlatsineq, peqquserlulluni iluanaarniartarneq pissaanermillu atornerluineq pillugit ukkatarineqarnissaanik suliaqartuunertik.

Nersornaat 10.000 koruuninik aningaasartaqarpoq.