Kujallermi taasititsineq: Amerlanerussuteqartut kommunimit avissaarusuttut

Nanortalimmi nunaqarfiinilu amerlanerussuteqarluartut namminerisaminnik kommuninngorusunnertik aalajangerpaat. Maanna suliaq nuna tamakkerlugu politikikkut aalajangiisartuni suliarineqartussanngorpoq.

Nanortalik nunaqarfiilu Kommune Kujallermik anillutik namminerisaminik kommuniulernissaat kissaatigineritsit, innuttaasut taasisinnaatitaasut aalajangernissaannik qinnuigineqarput. Aap Naamik-llu toqqarsinnaavaat.

Foto: Kommune Kujalleq

Hanna Hviid Hanna Hviid Tusagassiortoq

Saqqummersinneqarpoq 12. Septembari 2026 - 09:59

Ussassaarut

Ippassaq nanornarlimmi nunaqarfinnilu Narsarmijini, Aappilattumi, Tasiusami, Ammassivimmi Alluitsup Paanilu innuttaasut Kommune Kujallermiiginnarnissamik namminerisamilluunniit kommuninngorusunnermik taasitsinneqarput.

AAMMA ATUAKKAT

Ullumi Nanortalimmiut Kommune Kujalleq qimanniarlugu taasipput: - Inuit qilanaarput

Taasinerit kisinneqarnerisa kingorna Nanortallip nunaqarfiisalu namminerisaminnik kommuninngornissaat taasisunit amerlanerussuteqartut erseqqissumik qineraat paasinarsivoq.

Taama Kommune Kujalleq nittartakkakkut quppernermini allappoq.

Taasitsitsinerulli isumasiuiffiusumik taasitsitsinerunera, kommunip erseqqissaatigaa, taamaammallu Nanortallip nunaqarfiisalu tassa Kommune Kujallermik aninerannik tamanna kinguneqartariaqanngilaq.

- Kommunit aaqqissuussaanerannik allannguinermik aalajangerneq, Kommune Kujalliup nammineerluni aalajangersinnaanngilaa. Suliaq nuna tamakkerlugu aalajangiisartunit suliareqqinneqartussaavoq, taasititsinerullu inernera innuttaasut pingaarutilimmik oqariartuutaattut ilaatinneqassaaq, Kommune Kujallermi kommunaldirektør, Randi vestergaard Evaldsen oqarpoq.

Ussassaarut

94,56 procentit angertut

Nanartalimmi nunaqarfiinilu taasisinnaatitaasut 1.093-iupput.

Innuttaasut 680-t taasipput, taakkulu 62,21 procentit taaseqataanerannik naleqarput.

643-t avissaarnissamut angerput. Taakku taasisut tamarmik 94,56 procentiinik naleqarput.

Randi Vestergaard Evaldsenip suisut taasititsinermik ingerlatseqataasut qutsavigai:

- Sulisunik taasiartorfinni suleqataasunut, pilersaarusiornermullu kiisalu isumasiuiffiusumik taaasititsinermi suleqataasunut annertuumik qujajumavunga. Suliassaq annertusimavoq, sulisullu suliaat annertoq taasitsinerup kingornalu kisitsinerup pissusissamisoortumik toqqisisimanartumillu ingerlanneqarneranut annertuumik pingaaruteqarpoq, taanna oqarpoq.