Kunngi Frederik Kalaallit Nunaannukassasoq

Kunngi Frederik Kalaallit Nunaannut sapaatip-akunnerisa arfineq-pingajuani tikeraassaaq, Litauenimut tikeraarnermini tusagassiortunik sisamannngornermi katersortitsinermi oqarpoq.

- Kalaallit sapaatit-akunnerini makkunani eqqarsaatigikulavagut. Susoqarnera malinnaavigiinnavipparput, meeqqagullu apeqquteqaraangata oqaloqatigisarlugit, kunngi oqarpoq.

Kunngikkormiut pissutsit malinnaavigeqqissaaraat aamma oqarpoq, aamma Kalaallit Nunaata Kunngeqarfiullu Danmarkip tapersersorneqangaarnerat maluginiarsimallugu.

-Kalaallit Nunaannut sapaatip-akunnerisa arfineq-pingajuanni tikeraarnissara aamma qilanaaraara.

Kalaallit Nunaanni pisut imminut dronningimullu Marymut kalluisimaqisut kunngip aamma oqaatigaa.

- Kalaallit ernumassuteqarnerat tusagassiuutitigut malinnaanitsinni malugisinnaavarput. Tamatta isumakuluutigaarput, Kalaallit Nunaat eqqarsaatitsinniitseqaarput, kunngi oqarpoq.

Kalaallit naligalugit naapinniarai

Kunngi Frederik Kalaallit Nunaanni pissutsit soqutigineqarnerulernerisa kingorna siullerpaamik oqaaseqarpoq.

- Piffissami aqqusaarneqartumi siumut oqaatigineqarsinnaanngitsumik, nalorninartumik allanngorartumillu pisoqarfiusumi qanimut attaveqarnerup pingaaruteqassusia, soqutigisaqaqatigiinnerup, naleqartitat siunissamullu assigiimmik takorluugaqaqatigiinnerup tikeraarnermi malugineqarsinnaasarpoq, dronning Mary oqarpoq.

Kunngip Frederiup tikeraarnermini kalaallit naligalugit naapikkumaarai, pisunilu eqqarsaataat, isumakuluutaat ulluinnaannullu qanoq sunniuteqarnersoq pillugit oqaloqatigissai kunngikkut oqaatigaat.

- Kalaallit Nunaannut tikeqqinnissaq nuannissaqaaq, oqarpoq.

Kunngi februaarip 18-ianniit 20-anut tikeraassaaq.

Kunngi Nuummut 2025-mi tikeraarpoq, apriilip 29-ani tikilluni. Kangerlummut aalisariarlunilu Katuami kaffillerpoq.