Lars Løkke qisuariarpoq: USA-p Kalaallit Nunaat Danmarkilu ataqqissavai – sinniisoq oqaloqatiginiarlugu qaaqquniaraa
- USA-p Kunngeqarfik ataqqisariaqarpaa, Løkke USA-miit oqariartuutigineqartut pillugit oqarpoq.
- Toqqaasoqarnera Amerikamiut Kalaallit Nunaannik suli soqutiginninnerannik uppernarsaataavoq. Kikkut tamarmik – aamma USA-p – Kunngeqarfiup immikkoortuinik ataqqinnittariaqartut aalajangiusimavarput, Løkke oqarpoq.
Assi: Olivier Hoslet/EPA/Ritzau Scanpix
Kalaallit Nunaata siunissani nammineq aalajangertussaanera USA-p ataqqisariaqarpaa, Danmarkillu ilagaa.
Amerikamiut Kalaallit Nunaannut aallartitamik toqqaanerisa kingorna, nunanut allanut ministeri Lars Løkke Rasmussen (M) oqarpoq.
Tamanna qallunaat nalunaaqutaat malillugu ataasinngornerup unnuaani pivoq, tamatumalu Amerikamiut Kalaallit Nunaannik suli soqutiginnittut takutippaa.
- Toqqaasoqarnera Amerikamiut Kalaallit Nunaannik suli soqutiginninnerannik uppernarsaataavoq. Kikkut tamarmik – aamma USA-p – Kunngeqarfiup immikkoortuinik ataqqinnittariaqartut aalajangiusimavarput, Løkke allakkatigut akissuteqarluni oqarpoq.
USA-p præsidentiata Donald Trumpip Louisianami guvernøri Jeff Landry USA-p Kalaallit Nunaannut immikkut aallartitaatut toqqarpaa.
Landryp Kalaallit Nunaat USA-p isumannaallisaaneranut qanoq pingaaruteqartigisoq nalunngikkaaq, Trump oqarpoq.
Sinniisoq oqaloqatiginiarlugu aggersarniaraa
USA-p sinniisua oqaloqatiginiarlugu qaaqquneqarumaartoq, Lars Løkke Rasmussen TV2 Newsimut ataasinngornikkut kingusinnerusukkut oqarpoq:
- Amerikamiut sinniisuat oqaloqatiginiarlugu nunanut allanut ministereqarfimmut aggersassavarput. Marlunnik piumasaqassaagut; erseqqissumik killiliilluta nassuiaaqqusillutalu, Lars Løkke Rasmussen oqarpoq.
Kunngeqarfiup oqartussaaffiisa apeqquserneqarnerat akuerineqarsinnaanngitsoq oqarpoq.
